ۇلىتاۋ ٶڭٸرٸن زەرتتەۋ جۇمىستارى قولعا الىندى. بۇل تۋرالى بٷگٸن اقوردادا ٶتكەن رۋحاني جاڭعىرۋ جٶنٸندەگٸ ۇلتتىق كوميسسييا وتىرىسىنان كەيٸن باق ٶكٸلدەرٸنە سۇحبات بەرگەن قاراعاندى وبلىسىنىڭ ەكٸمٸ ەرلان قوشانوۆ ايتتى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«قاراعاندى وبلىسىندا ەلباسىنىڭ «بولاشاققا باعدار: رۋحاني جاڭعىرۋ» ماقالاسى بويىنشا اۋقىمدى جۇمىستار باستالىپ كەتتٸ. بٸز وسى ماقالانىڭ ٸشٸندەگٸ ويلاردىڭ قانشالىقتى تەرەڭ ەكەندٸگٸن ٸسكە اسىرۋ بارىسىندا سەزٸنە باستادىق. بٸرٸنشٸدەن, زييالى قاۋىم, قوعام, كەسٸپكەرلەر وسى باستامانى تولىقتاي قولداپ وتىر. مەسەلەن, «تۋعان جەرگە تاعزىم» باعدارلاماسى اياسىندا كەسٸپكەرلەرٸمٸز قازٸرگٸ ۋاقىتتا جٷزدەگەن ميلليون تەڭگەگە ەلەۋمەتتٸك نىساندار سالۋدا. ٶزدەرٸ تۋعان جەرلەرٸنە دە كٶمەك كٶرسەتۋدە», - دەدٸ وبلىس ەكٸمٸ.
قوشانوۆ قاراعاندى وبلىسى كيەلٸ جەرلەرگە ٶتە باي ەكەندٸگٸن دە باسا ايتتى.
«ونىڭ ٸشٸندە مەملەكەت باسشىسىنىڭ ماقالاسىندا ايتىلعان ۇلىتاۋ ٶڭٸرٸ دە بار. بۇل بٸزگە ٷلكەن جاۋاپكەرشٸلٸك جٷكتەيدٸ. سوندىقتان ۇلىتاۋدى دامىتۋ, ونى ارى قاراي ناسيحاتتاپ, زەرتتەۋ بويىنشا ناقتى جۇمىستاردى باستاپ كەتتٸك. اۋقىمدى جوسپارلارىمىز دا بار»,- دەدٸ ٶڭٸر باسشىسى.
