QR Parlamenti Májilisiniń tóraǵasy Erlan Qoshanov Tuńǵysh Prezident týraly Zań qashan kúshin joiatynyn aitty, dep habarlaidy QazAqparat.
«Konstitýtsiiaǵa engiziletin ózgerister qazir konstitýtsiialyq keńeste. Prezident arnaiy jiyn ótkizgenin bilesizder. Sol jiynda bárin talqylap, jumys tobynyń esebin tyńdady, sodan keiin Konstitýtsiialyq keńeske jiberdi. Konstitýtsiialyq keńes sol jobany jariialady. Jumys toby qandai baptar usynyp otyrǵanyn jaqsy bilesizder. Sonyń ishinde qazir siz surap otyrǵan bap Elbasynyń mártebesi týraly ǵoi. Bul jerde Elbasynyń mártebesi, artyqshylyqtary alynyp tastaldy. Tek qana osy memlekettiń negizin qalaýshy degen tarihi róli ǵana sol konstitýtsiiada qaldy. Al bul norma qabyldanǵannnan keiin Tuńǵysh Prezident týraly konstitýtsiialyq zań kúshin joiady dep kútilýde», - dedi Májilis spikeri BAQ ókilderine baspasóz alańynda bergen suhbatynda.
«Konstitýtsiiadaǵy eks-prezident týraly norma burynǵy prezidentke qandai quzyretter beredi?» dep surady BAQ ókilderi.
«Birinshiden, ar-namysy men abyroiyn qorǵaýǵa quzyret beredi. Ekinshiden, áleýmettik jaǵynan qorǵaý, zeinetaqysy bar, kóligi bar, kúzeti bar, osy máselelerdi qamtamasyz etý memleket tarapynan. Osyndai quzyret beriledi», - dedi Erlan Qoshanov.
