Memleket basshysynyń shuǵyl da jigerli sheshimderi eldi aýyr soqqydan alyp shyqty. QR Parlamenti Májilisiniń tóraǵasy Erlan Qoshanov osyndai pikir bildirdi, dep habarlaidy QazAqparat.
«Osy jyldyń basynda elimiz úshin úlken synaq boldy. Biz synaqqa tap boldyq, turǵyndar zardap shekti. Faktiler men tsifrlardy búgin barlyǵymyz estidik. Eldigimiz ben táýelsizdigimizge tóngen qaýip týraly búgin kóp aityldy. Osy syn saǵattarda Memleket basshysy Qasym-Jomart Toqaev shuǵyl da jigerli sheshimder qabyldap, eldi osyndai aýyr soqqydan alyp shyqty. Jaǵdai tez arada turaqtandy. Búgingi sóz sóilegenderdiń bári, azamattyq qoǵam ókilderi, depýtattar Prezidentimizdiń tabandy sheshimderiniń arqasynda memlekettigimizdi saqtap qalǵanyn biraýyzdan aitty», - dedi spiker.
Onyń paiymdaýynsha, soz kezde qabyldanǵan sheshimderdiń durys bolǵanyn búgin ýaqyt kórsetip otyr.
«Ýaqyt óte kele bul eldik pen tutastyqty saqtap qalý úshin jasalǵan birden-bir durys qadam ekenin kórip otyrmyz», - dedi Májilis tóraǵasy.
