Májilistegi «Nur Otan» fraktsiiasynyń otyrysy ótti. Otyrysta Erlan Qoshanov Májilistegi «Nur Otan» fraktsiiasynyń jetekshisi bolyp sailandy, dep habarlaidy "Ult aqparat" tómengi palatanyń baspasóz qyzmetine silteme jasap.
Májilis Spikeriniń kandidatýrasyn Vitse-spiker Pavel Kazantsev usynyp, depýtattar biraýyzdan qoldady. Óz kezeginde Palata Spikeri depýtattarǵa fraktsiia jetekshisi retinde qoldaǵandary úshin alǵys bildirdi.
Erlan Qoshanov fraktsiia jumysyn jańa deńgeige kóteretinin aityp, Memleket basshysy, «Nur Otan» partiiasynyń Tóraǵasy Qasym-Jomart Toqaevtyń 2022 jyldyń 28 qańtaryndaǵy «Nur Otan» partiiasynyń kezekten tys XXI sezinde fraktsiia jumysyn qaita bastaý týraly tapsyrmasyna erekshe nazar aýdardy. Fraktsiia basshysy óz sózinde partiia Tóraǵasynyń qoiǵan jeti basym baǵytyn jáne oǵan túbegeili reforma jasap, qaita qurý qajettigine nazar aýdardy.
Palata Tóraǵasy barlyq depýtat senim mandatyn alyp, kópshilik depýtattar praimeriz arqyly ótip, óńirlerdiń tirshiligin jaqsy biletinin alǵa tartty. Sonymen qatar bul aimaqtardaǵy ózekti máselelerdi der kezinde sheshýge múmkindik beretinine toqtaldy.
Otyrysta Májilis Spikeri fraktsiia aldynda turǵan jańa mindetterdi eskere otyryp, zań jobalaý qyzmetiniń sapasyn arttyrý, depýtattyq saýaldardyń ózektiligin arttyrý, taldaý jáne óńirlerdegi jumys máseleleri boiynsha partiianyń Ortalyq apparatymen ózara is-qimyldy kúsheitýdi tapsyryp, fraktsiia depýtattary aqparattyq jumysqa, onyń ishinde áleýmettik jelilerge de basa nazar aýdarýy kerek ekenin aitty.
Májilis Tóraǵasy aǵymdaǵy jyldyń aqpan aiynda depýtattardyń óńirlerge shyǵýyna bailanysty fraktsiia múshelerine birqatar tapsyrmalar júktedi. Aldaǵy jumystardyń mańyzdylyǵyn atap ótken Erlan Qoshanov turǵyndarmen kezdesý azamattardyń naqty máselelerin jergilikti jerde talqylaý arqyly ótý kerektigin eske saldy.
Palata Spikeriniń aitýynsha, depýtattardyń halyqpen kezdesýleri tek ortalyqtarmen, qalalarmen ǵana shektelmei, shalǵaidaǵy eldi mekenderde, aýyldarda ótýi tiis. Onyń ishinde jastarǵa memleket tarapynan kórsetiletin qoldaýlar jaiynda túsindirip, erekshe kóńil adarý qajet ekenin jetkizdi. Sondai-aq Erlan Qoshanov issaparlar barysynda depýtattar qoǵamdyq keńes múshelermen kezdesýler ótkizip, partiianyń qoǵamdyq qabyldaý bólimderinde azamattardy qabyldap, olardyń shynaiy máselelerin kóterýi kerek ekenin aitty.
Otyrys barysynda jańa mindetterdi eskere otyryp, májilismender fraktsiianyń sapalyq quramyna ózgerister engizdi. Atap aitqanda, Májilis depýtaty Erlan Sairov fraktsiia tóraǵasynyń orynbasary jáne prezidiým múshesi, al Májilis depýtattary Elnur Beisenbaev pen Ekaterina Smyshliaeva fraktsiia tóralqasynyń múshesi bolyp sailandy.
Sonymen qatar, fraktsiia otyrysyna «Nur Otan» partiiasynyń Atqarýshy hatshysy Ashat Oralov qatysty.
