مەجٸلٸستەگٸ «Nur Otan» فراكتسيياسىنىڭ وتىرىسى ٶتتٸ. وتىرىستا ەرلان قوشانوۆ مەجٸلٸستەگٸ «Nur Otan» فراكتسيياسىنىڭ جەتەكشٸسٸ بولىپ سايلاندى, دەپ حابارلايدى "ۇلت اقپارات" تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ.
مەجٸلٸس سپيكەرٸنٸڭ كانديداتۋراسىن ۆيتسە-سپيكەر پاۆەل كازانتسەۆ ۇسىنىپ, دەپۋتاتتار بٸراۋىزدان قولدادى. ٶز كەزەگٸندە پالاتا سپيكەرٸ دەپۋتاتتارعا فراكتسييا جەتەكشٸسٸ رەتٸندە قولداعاندارى ٷشٸن العىس بٸلدٸردٸ.
ەرلان قوشانوۆ فراكتسييا جۇمىسىن جاڭا دەڭگەيگە كٶتەرەتٸنٸن ايتىپ, مەملەكەت باسشىسى, «Nur Otan» پارتيياسىنىڭ تٶراعاسى قاسىم-جومارت توقاەۆتىڭ 2022 جىلدىڭ 28 قاڭتارىنداعى «Nur Otan» پارتيياسىنىڭ كەزەكتەن تىس XXI سەزٸندە فراكتسييا جۇمىسىن قايتا باستاۋ تۋرالى تاپسىرماسىنا ەرەكشە نازار اۋداردى. فراكتسييا باسشىسى ٶز سٶزٸندە پارتييا تٶراعاسىنىڭ قويعان جەتٸ باسىم باعىتىن جەنە وعان تٷبەگەيلٸ رەفورما جاساپ, قايتا قۇرۋ قاجەتتٸگٸنە نازار اۋداردى.
پالاتا تٶراعاسى بارلىق دەپۋتات سەنٸم مانداتىن الىپ, كٶپشٸلٸك دەپۋتاتتار پرايمەريز ارقىلى ٶتٸپ, ٶڭٸرلەردٸڭ تٸرشٸلٸگٸن جاقسى بٸلەتٸنٸن العا تارتتى. سونىمەن قاتار بۇل ايماقتارداعى ٶزەكتٸ مەسەلەلەردٸ دەر كەزٸندە شەشۋگە مٷمكٸندٸك بەرەتٸنٸنە توقتالدى.
وتىرىستا مەجٸلٸس سپيكەرٸ فراكتسييا الدىندا تۇرعان جاڭا مٸندەتتەردٸ ەسكەرە وتىرىپ, زاڭ جوبالاۋ قىزمەتٸنٸڭ ساپاسىن ارتتىرۋ, دەپۋتاتتىق ساۋالداردىڭ ٶزەكتٸلٸگٸن ارتتىرۋ, تالداۋ جەنە ٶڭٸرلەردەگٸ جۇمىس مەسەلەلەرٸ بويىنشا پارتييانىڭ ورتالىق اپپاراتىمەن ٶزارا ٸس-قيمىلدى كٷشەيتۋدٸ تاپسىرىپ, فراكتسييا دەپۋتاتتارى اقپاراتتىق جۇمىسقا, ونىڭ ٸشٸندە ەلەۋمەتتٸك جەلٸلەرگە دە باسا نازار اۋدارۋى كەرەك ەكەنٸن ايتتى.
مەجٸلٸس تٶراعاسى اعىمداعى جىلدىڭ اقپان ايىندا دەپۋتاتتاردىڭ ٶڭٸرلەرگە شىعۋىنا بايلانىستى فراكتسييا مٷشەلەرٸنە بٸرقاتار تاپسىرمالار جٷكتەدٸ. الداعى جۇمىستاردىڭ ماڭىزدىلىعىن اتاپ ٶتكەن ەرلان قوشانوۆ تۇرعىندارمەن كەزدەسۋ ازاماتتاردىڭ ناقتى مەسەلەلەرٸن جەرگٸلٸكتٸ جەردە تالقىلاۋ ارقىلى ٶتۋ كەرەكتٸگٸن ەسكە سالدى.
پالاتا سپيكەرٸنٸڭ ايتۋىنشا, دەپۋتاتتاردىڭ حالىقپەن كەزدەسۋلەرٸ تەك ورتالىقتارمەن, قالالارمەن عانا شەكتەلمەي, شالعايداعى ەلدٸ مەكەندەردە, اۋىلداردا ٶتۋٸ تيٸس. ونىڭ ٸشٸندە جاستارعا مەملەكەت تاراپىنان كٶرسەتٸلەتٸن قولداۋلار جايىندا تٷسٸندٸرٸپ, ەرەكشە كٶڭٸل ادارۋ قاجەت ەكەنٸن جەتكٸزدٸ. سونداي-اق ەرلان قوشانوۆ ٸسساپارلار بارىسىندا دەپۋتاتتار قوعامدىق كەڭەس مٷشەلەرمەن كەزدەسۋلەر ٶتكiزiپ, پارتييانىڭ قوعامدىق قابىلداۋ بٶلiمدەرiندە ازاماتتاردى قابىلداپ, ولاردىڭ شىنايى مەسەلەلەرٸن كٶتەرۋٸ كەرەك ەكەنٸن ايتتى.
وتىرىس بارىسىندا جاڭا مٸندەتتەردٸ ەسكەرە وتىرىپ, مەجٸلٸسمەندەر فراكتسييانىڭ ساپالىق قۇرامىنا ٶزگەرٸستەر ەنگٸزدٸ. اتاپ ايتقاندا, مەجٸلٸس دەپۋتاتى ەرلان سايروۆ فراكتسييا تٶراعاسىنىڭ ورىنباسارى جەنە پرەزيديۋم مٷشەسٸ, ال مەجٸلٸس دەپۋتاتتارى ەلنۇر بەيسەنباەۆ پەن ەكاتەرينا سمىشلياەۆا فراكتسييا تٶرالقاسىنىڭ مٷشەسٸ بولىپ سايلاندى.
سونىمەن قاتار, فراكتسييا وتىرىسىنا «Nur Otan» پارتيياسىنىڭ اتقارۋشى حاتشىسى اسحات ورالوۆ قاتىستى.
