Erlan Qoshanov Amanat partiiasynyń tóraǵasy bolyp sailandy, - dep habarlaidy Tengrinews.kz.
Prezident Amanat partiiasynyń kezekten tys sezinde barlyq salany monopoliiasyzdandyrý asa mańyzdy jumys ekenin aitty. Ol osy úderisten saiasi júie de syrt qalmaýy kerek dep oilaidy. Toqaevtyń aitýynsha, Memleket basshysy eshbir partiiaǵa basymdyq bermegeni jón.
"Iaǵni, saiasi turǵydan beitarap bolýy qajet. Bul - meniń aiqyn ustanymym. Mundai qaǵida sailaýǵa qatysatyn barlyq kúshke teń múmkindik týǵyzady. Saiasi júiede ádildik ornaýyna jol ashady. Partiia atqarýshy bilikke táýeldi bolmasa, oǵan halyqtyń senimi nyǵaiyp, bedeli artady. Qazir uiym Májiliste jáne máslihattarda edáýir basymdyqqa ie bolyp otyr. Sondyqtan Úkimet pen ákimdikterdiń jumysyna qatań baqylaý jasai alady. Prezident partiia qatarynan shyqqanymen uiymnyń strategiialyq baǵdary ózgermeidi dep oilaimyn. Amanat – elimizdiń saiasi ómirinde erekshe orny bar uiym retinde qala beretini anyq. Saiasattaǵy sabaqtastyq saqtalyp, partiia el igiligi úshin jasap jatqan isterin jalǵastyra beredi", - dedi Prezident Amanat partiiasynyń kezekten tys sezinde sóilegen sózinde.
