QR Densaýlyq saqtaý vitse-ministri, bas memlekettik sanitarlyq dáriger Erlan Qiiasov memlekettik qyzmetshilerge vaktsina saldyrý kezeńin aitty, dep habarlaidy QazAqparat.
Ortalyq kommýnikatsiialar qyzmetindegi baspasóz máslihatynda Úkimet músheleri men depýtattarǵa vaktsina saldyrý qashan bastalatyny suraldy.
«Olar memlekettik qyzmetshilermen birdei vaktsinalaýmen qamtylady. Bul kezeń meditsina qyzmetkerlerin, pedagogtardy, áskerilerdi tolyqqandy vaktsinalaǵannan keiin júrgiziledi. Sonymen qatar memlekettik qyzmetshilerdi vaktsinalaý eskeriledi», - dedi Qiiasov.
Olar qoljetimdi vaktsinamen qamtylmaq.
«Ekpe saldyrý qarqynyn eskersek, ol «Spýtnik V» vaktsinasy bolýy múmkin. Tizim boiynsha shamamen naýryzdyń sońy men sáýir aiynyń basynda iske asyrylady», - dedi vitse-ministr.
Koronavirýs infektsiiasyna qarsy vaktsinatsiialaý jalǵasyp jatyr. Qazirgi kezde birinshi komponentpen 20 157 adam egildi. 22 aqpannan ekinshi komponentpen vaktsinalaý bastalyp, 2 137 adamǵa ekpe jasaldy, qolaisyz kórinister tirkelgen joq.
