QR Prezidentiniń keńesshisi Erlan Qarin Memleket basshysy Qasym-Jomarttyń Toqaevtyń sheteldik saparlaryna qatysty pikir bildirdi, dep habarlaidy "Ult aqparat".
«Búgin QR Qasym-Jomart Toqaevtyń Germaniiaǵa resmi sapary bastalyp jatyr. Memleket basshysy laýazymyna kiriskeli bul - osymen shetel memleketine besinshi sapary, onyń ishinde úsheýi Memlekettik sapar mártebesine (Ózbekstan, QHR, Qyrǵyzstan) ie boldy. Sonymen birge Qasym-Jomart Toqaev Qazaqstanǵa saparmen kelgen 13 shetel kóshbasshysyn jáne delegatsiia ókilderin qabyldady», - dedi E. Qarin Telegram paraqshasynda.
Onyń sózine qaraǵanda, osy aralyqta Memleket basshysy 9 halyqaralyq forým men sammitke qatysty.
Sonymen qatar, saparlar men túrli sharalarǵa qatysý barysynda Prezident ózge de elderdiń memleket jáne úkimet basshylarymen, halyqaralyq uiymdardyń jetekshilerimen, sheteldik saiasi qairatkerlermen, biznes kompaniialar basqarýshylarymen, elshilermen jáne basqa da ókildermen jalpy 64 kezdesý men kelissóz júrgizdi.
«Jalpy Prezidenttiń ishki jáne syrtqy saiasi jumys kestesi óte mazmundy ári mańyzdy», - dep atap ótti.
QR Prezidentiniń keńesshisi. Eske sala ketsek, Memleket basshysy Qasym-Jomart Toqaev Germaniiaǵa resmi saparmen kelgendigi týraly habarlaǵan bolatynbyz.
