Búgin «Egemen Qazaqstan» gazetinde Prezident Nursultan Nazarbaevtyń baǵdarlamaly maqalasy jariialandy. Birden aita ketý kerek, joldaý tek «Egemende», qazaq tilinde ǵana jaryq kórdi. Bul maqalada aitylǵan oilar, tezister ulttyq ideologiiaǵa, qazaq qoǵamyna arnaiy baǵyttalǵanyn ańǵartsa kerek. Sondyqtan, bul maqalany qazaq halqyna joldaý siiaqty qabyldaýǵa bolady.
Elbasynyń maqalasy memlekettik ideologiiany anyqtaityn, jańa ideologiialyq platformaǵa ainalatyn, saiasi-ideologiialyq qujat.
Sebebi ol saiasi, ekonomikalyq, áleýmettik, quqyqtyq reformalardan soń ideologiialyq saiasatty modernizatsiialaýdy kún tártibine shyǵardy. Máselen, latyn qarpine kóshý óte mańyzdy sheshim. Men osy týrasynda buryn da pikirimdi aitqanmyn, másele latyn álipbiine kóshýimizde emes, naqty órkeniettik tańdaýymyzdy jasaýymyzda. Endigi rette Elbasy buryn jáne búgingi usynyp otyrǵan jańa tyń ideialardy naqty is júzinde asyrýdyń josparyn usynyp otyr.
Bul qujat qazaq ulttyq múddesiniń strategiialyq baǵytyn aiqyndaityn jańa ideologiialyq kontseptsiia. Ultty belgili bir áreketke jigerlendiretin, túrtki bolatyn printsipterdiń jiyntyǵy.
Sondyqtan, biz Prezident maqalasynda aitylǵan jańa, tyń ideialardy «Qazaqstan» telearnasy men «Qazaq» radiosynyń túrli baǵdarlamalarynda jan-jaqty, salmaqty talqylaýdy uiymdastyrýǵa ázirmiz.
Erlan Qarinniń feisbýktaǵy jazbasynan
