بٷگٸن «ەگەمەن قازاقستان» گازەتٸندە پرەزيدەنت نۇرسۇلتان نازارباەۆتىڭ باعدارلامالى ماقالاسى جارييالاندى. بٸردەن ايتا كەتۋ كەرەك, جولداۋ تەك «ەگەمەندە», قازاق تٸلٸندە عانا جارىق كٶردٸ. بۇل ماقالادا ايتىلعان ويلار, تەزيستەر ۇلتتىق يدەولوگيياعا, قازاق قوعامىنا ارنايى باعىتتالعانىن اڭعارتسا كەرەك. سوندىقتان, بۇل ماقالانى قازاق حالقىنا جولداۋ سيياقتى قابىلداۋعا بولادى.
ەلباسىنىڭ ماقالاسى مەملەكەتتٸك يدەولوگييانى انىقتايتىن, جاڭا يدەولوگييالىق پلاتفورماعا اينالاتىن, ساياسي-يدەولوگييالىق قۇجات.
سەبەبٸ ول ساياسي, ەكونوميكالىق, ەلەۋمەتتٸك, قۇقىقتىق رەفورمالاردان سوڭ يدەولوگييالىق ساياساتتى مودەرنيزاتسييالاۋدى كٷن تەرتٸبٸنە شىعاردى. مەسەلەن, لاتىن قارپٸنە كٶشۋ ٶتە ماڭىزدى شەشٸم. مەن وسى تۋراسىندا بۇرىن دا پٸكٸرٸمدٸ ايتقانمىن, مەسەلە لاتىن ەلٸپبيٸنە كٶشۋٸمٸزدە ەمەس, ناقتى ٶركەنيەتتٸك تاڭداۋىمىزدى جاساۋىمىزدا. ەندٸگٸ رەتتە ەلباسى بۇرىن جەنە بٷگٸنگٸ ۇسىنىپ وتىرعان جاڭا تىڭ يدەيالاردى ناقتى ٸس جٷزٸندە اسىرۋدىڭ جوسپارىن ۇسىنىپ وتىر.
بۇل قۇجات قازاق ۇلتتىق مٷددەسٸنٸڭ ستراتەگييالىق باعىتىن ايقىندايتىن جاڭا يدەولوگييالىق كونتسەپتسييا. ۇلتتى بەلگٸلٸ بٸر ەرەكەتكە جٸگەرلەندٸرەتٸن, تٷرتكٸ بولاتىن پرينتسيپتەردٸڭ جيىنتىعى.
سوندىقتان, بٸز پرەزيدەنت ماقالاسىندا ايتىلعان جاڭا, تىڭ يدەيالاردى «قازاقستان» تەلەارناسى مەن «قازاق» راديوسىنىڭ تٷرلٸ باعدارلامالارىندا جان-جاقتى, سالماقتى تالقىلاۋدى ۇيىمداستىرۋعا ەزٸرمٸز.
ەرلان قاريننٸڭ فەيسبۋكتاعى جازباسىنان
