«Qazaqstan» RTRK» AQ basqarma tóraǵasy Erlan Karin «Qazaq tilindegi 100 jańa oqýlyq» jobasynyń tiimdi tusyn aitty, dep xabarlaidy "Ult aqparat".
«Ashyǵyn aitý kerek, bundai bastama eshbir elde bolmaǵan. Álemge tanymal shyǵarmalar tikelei qazaq tiline aýdarylyp otyr. Bul bir jaǵynan Qazaqstannyń múmkindigin kórsetse, ekinshi jaǵynan Táýelsizdik jyldary qalyptasqan intellektýaldy áleýetimizdi kórsetedi. Sebebi osynaý jobany iske asyrý úshin kásibi mamandar, joǵary daiyndyq qajet», - dedi E.Qarin.
Onyń aitýynsha, ýniversitet oqytýshylary men stýdentteri tanymal oqýlyqtardy tegin oqi alady. Atalǵan shyǵarmalar AQSh pen Ulybritaniianyń ýniversitetterinde kitaptardyń úzdik ondyǵyna kiredi.
«Máselen, Karen Armstrongtyń 1994 jyly jazylǵan «Qudaidyń tarixy» atty kitaby álemniń 30 tiline aýdarylyp, Kembridj, Garvard, Oksford jáne taǵy basqa jetekshi joǵary oqý oryndarynda keńinen qoldanylyp keledi. Ol - bir. Ekinshiden, atalǵan oqýlyqtardyń baǵasy da arzan emes. Ulybritaniiada árbir kitap 30 fýnttan joǵary turady. Shetelde ondai oqýlyqtardy izdep júrip, satyp alady. Al bizdiń stýdentterimiz onyń bárin tegin oqi alady», - dep atap kórsetti E.Qarin.
Aita keteiik, búgin Nursultan Nazarbaevqa «Qazaq tilindegi 100 jańa oqýlyq» jobasy aiasynda aýdarylǵan alǵashqy kitaptar tanystyryldy.
