Ortalyq sailaý komissiiasynyń múshesi Erlan Daýylbaev sailaý ýchaskesindegi eń negizgi adam – sailaýshy ekenin qadap aitty, dep habarlaidy QazAqparat.
Aita ketsek Aqparat jáne qoǵamdyq damý ministrligi Ortalyq sailaý komissiiasymen birge ÚEU akademiiasy» bilim berý jobasy sheńberinde sailaýdy baiqaý negizderin túsindirýge arnalǵan seminar ótkizildi. Otyrysqa onlain rejimde 500-den astam adam qatysýǵa niet bildirgen. Otyrysta sailaýdy baiqaý negizderi túsindirildi.
«Ýchaskelik sailaý komissiiasynyń tóraǵalary men ony aýystyratyn tulǵalar senim bildirilgen tulǵalardyń, baiqaýshylardyń shaǵymy boiynsha sanalǵan daýystyń hattamasyn, onymen birge jasalǵan aktty birge usynýy tiis. Baiqaýshylar ózderimen birge jeke basyn jáne quzyretin kýálandyratyn qujatty alyp júrýi kerek. Ol sailaý protsesine, daýysty sanaý protsedýrasyna jáne ýchaskelik komissiia qabyldaǵan sheshimge aralaspaýy tiis. Sonymen qatar baiqaýshy ýchaskelik sailaý komissiiasynyń jumysyna kedergi keltiretin áreket jasamai, ýchaskedegi erejelerdi saqtaý jónindegi tóraǵanyń talaptaryn oryndaýy tiis», - dedi Erlan Daýylbaev.
Onyń aitýynsha baiqaýshy óz eskertpelerin qujattalǵan, shynaiy fakttarǵa súiene otyryp qaldyra alady.
«Baiqaýshy belgili bireýge, kandidatqa nemese saiasi partiiaǵa basymdyq bermeýi kerek. Baiqaýshylardyń turatyn jerin aiqyndaý da mańyzdy másele. Daýys berý nysanyndaǵy eń negizgi adam – sailaýshy. Qaitalap aitamyn: daýys berý nysanyndaǵy eń negizgi adam – sailaýshy. Al ýchaskelik sailaý komissiialary daýys berýshiniń óz erki men qupiia daýys berý quqyǵyn barynsha qamtamasyz etýi kerek», - dedi ol.
