Elimizde eriktilerge úlken múmkindik berilip otyr. Bul týraly «Oral» stýdentter aliansynyń kóshbasshysy, BQO «Aqjaiyq volonterleri» volonterlik korpýsynyń jetekshisi Musa Kóneev málim etti, dep habarlaidy QazAqparat.
Onyń aitýynsha, Prezidenttiń qatysýymen elordada «Birgemiz» atty volonterler front-ofisiniń ashylýy erekshe kún retinde este qalmaqshy.
-Volonterler jylynda biz ne isteýimiz kerek, neni basshylyqqa alýymyz qajet, bul qozǵalys aldaǵy ýaqytta qalai damymaqshy, mine, Memleket basshysynyń sózinen osy saýaldarǵa jaýap aldyq, - deidi M.Kóneev.
Volonterler osyǵan deiin óz qyzmetterin erikti túrde atqaryp kelse, endi bul jumys eńbek ótiline kirmekshi. Taǵy bir mańyzdy másele, volonter stýdentterge qosymsha stipendiia beriletini. Árine, bul – jastar úshin úlken jeńildik ári qoldaý.
«Oral» stýdentter aliansynyń basshysy retinde qazvolunteer.kz saitynyń jumysyn jaqsartýǵa kúsh salmaqshymyz. Al «Aqjaiyq» volonterleri» barlyq baǵyt boiynsha óz isin shirata túsetin bolady. Bul rette aýdandardaǵy eriktilerdiń jumysyna basa kóńil bólmekshimiz. Qalamen qatar aýyldyq eldi mekenderdi de nazardan tys qaldyrýǵa bolmaidy. Aýdandarda da suranys-talap jeterlik, sondyqtan ondaǵy eriktilerdiń basyn qosyp, jobalaryn talqylap, júzege asyrý múmkindikterin qarastyrý qajet», dedi Musa Kóneev.
.jpeg)