Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine tsifrlyq tehnologiialardy retteý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy Baq.kz agenttigi.
Zań jobasy Memleket basshysynyń 2019 jylǵy 2 qyrkúiektegi Joldaýyna sáikes ázirlendi.
«Ózderińizge belgili, Elbasynyń bastamasymen «Tsifrlyq Qazaqstan» baǵdarlamasy qabyldandy. Bul baǵdarlama 2 jyl ishinde elimizdi tsifrlandyrýdyń draiverine ainaldy. Osyǵan orai, zań jobasy tsifrlandyrý protsesin odan ári jyldamdatýǵa úlken serpin beredi. Qujat, eń aldymen, tsifrlyq tehnologiialardy damytýǵa, sondai-aq, olardy qoldanýmen bailanysty qatynastardy retteýge baǵyttalǵan», - dedi Tsifrlyq damý, innovatsiialar jəne aeroǵarysh ónerkəsibi ministri Asqar Jumaǵaliev.
Atap aitqanda, Memleket basshysy Tsifrlandyrý jónindegi otyrysta barlyq qujat ainalymyn elektrondyq formatqa kóshirý týraly tapsyrma bergen bolatyn. Bul máseleni sheshý tásilderiniń biri - Tsifrlyq qujattar servisin engizý. Atalǵan servis «Mobildi úkimet» qosymshasynda kórsetiledi. Iaǵni, azamattarǵa qaǵaz túrindegi qujatty usynbai-aq qyzmet alýǵa múmkindik beredi. Osyǵan bailanysty, Tsifrlyq qujattar servisin zańnamalyq túrde aiqyndaý usynylady.
«Ekinshiden, tsifrlandyrý nátijesinde taldaýdy qajet etetin úlken derekter qory qalyptasty. Osyǵan bailanysty, zań jobasymen «Úlken derekterdi» taldaý tetigin retteý usynylady.
Osy tetikti engizý Smart Data Ukimet jobasy negizinde ekonomikalyq kórsetkishterdi taldaý arqyly tiimdi Úkimet sheshimderin qabyldaýǵa múmkindik beredi. 2018-2019 jyldary Smart Data Ukimet jobasy aiasynda qarjy, bilim berý, áleýmettik jáne densaýlyq saqtaý salalarynda 187 mlrd teńge shamasynda ekonomikalyq áser berdi. Atap aitsam, qarjy salasynda qosymsha túsimder, densaýlyq saqtaýda dárilik zattardy ońtaily bólý arqyly boldy. Osyndai naqty mysaldar bilim berý, áleýmettik salalarda da ekonomikalyq áserin kórsetti. Biz bul jumysty basqa da memlekettik organdarmen jalǵastyratyn bolamyz», - dedi ministr.
Úshinshiden, tsifrlyq tehnologiialardy engizý - azamattardyń derbes derekterin qorǵaýdy talap etedi. Osy oraida derbes derekterdi qorǵaý salasyndaǵy ýákiletti organdy anyqtaý usynylady.
«Sondai-aq, osy derekterdi qorǵaý servisin engizý qajet dep sanaimyz. Servis azamattardy onyń derekterimen jasalatyn is-áreketter týraly habardar etýge múmkindik beredi. Odan basqa, osy saladaǵy jańa saqtandyrý túri retinde «Erikti kibersaqtandyrý» qyzmeti engiziledi. Ózderińizge belgili, azamattardyń derbes derekterin qorǵaý - memleket paryzy», - dedi Asqar Jumaǵaliev.
