پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تسيفرلىق تەحنولوگييالاردى رەتتەۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى Baq.kz اگەنتتٸگٸ.
زاڭ جوباسى مەملەكەت باسشىسىنىڭ 2019 جىلعى 2 قىركٷيەكتەگٸ جولداۋىنا سەيكەس ەزٸرلەندٸ.
«ٶزدەرٸڭٸزگە بەلگٸلٸ, ەلباسىنىڭ باستاماسىمەن «تسيفرلىق قازاقستان» باعدارلاماسى قابىلداندى. بۇل باعدارلاما 2 جىل ٸشٸندە ەلٸمٸزدٸ تسيفرلاندىرۋدىڭ درايۆەرٸنە اينالدى. وسىعان وراي, زاڭ جوباسى تسيفرلاندىرۋ پروتسەسٸن ودان ەرٸ جىلدامداتۋعا ٷلكەن سەرپٸن بەرەدٸ. قۇجات, ەڭ الدىمەن, تسيفرلىق تەحنولوگييالاردى دامىتۋعا, سونداي-اق, ولاردى قولدانۋمەن بايلانىستى قاتىناستاردى رەتتەۋگە باعىتتالعان», - دەدٸ تسيفرلىق دامۋ, يننوۆاتسييالار جəنە اەروعارىش ٶنەركəسٸبٸ مينيسترٸ اسقار جۇماعاليەۆ.
اتاپ ايتقاندا, مەملەكەت باسشىسى تسيفرلاندىرۋ جٶنٸندەگٸ وتىرىستا بارلىق قۇجات اينالىمىن ەلەكتروندىق فورماتقا كٶشٸرۋ تۋرالى تاپسىرما بەرگەن بولاتىن. بۇل مەسەلەنٸ شەشۋ تەسٸلدەرٸنٸڭ بٸرٸ - تسيفرلىق قۇجاتتار سەرۆيسٸن ەنگٸزۋ. اتالعان سەرۆيس «موبيلدٸ ٷكٸمەت» قوسىمشاسىندا كٶرسەتٸلەدٸ. ياعني, ازاماتتارعا قاعاز تٷرٸندەگٸ قۇجاتتى ۇسىنباي-اق قىزمەت الۋعا مٷمكٸندٸك بەرەدٸ. وسىعان بايلانىستى, تسيفرلىق قۇجاتتار سەرۆيسٸن زاڭنامالىق تٷردە ايقىنداۋ ۇسىنىلادى.
«ەكٸنشٸدەن, تسيفرلاندىرۋ نەتيجەسٸندە تالداۋدى قاجەت ەتەتٸن ٷلكەن دەرەكتەر قورى قالىپتاستى. وسىعان بايلانىستى, زاڭ جوباسىمەن «ٷلكەن دەرەكتەردٸ» تالداۋ تەتٸگٸن رەتتەۋ ۇسىنىلادى.
وسى تەتٸكتٸ ەنگٸزۋ Smart Data Ukimet جوباسى نەگٸزٸندە ەكونوميكالىق كٶرسەتكٸشتەردٸ تالداۋ ارقىلى تيٸمدٸ ٷكٸمەت شەشٸمدەرٸن قابىلداۋعا مٷمكٸندٸك بەرەدٸ. 2018-2019 جىلدارى Smart Data Ukimet جوباسى اياسىندا قارجى, بٸلٸم بەرۋ, ەلەۋمەتتٸك جەنە دەنساۋلىق ساقتاۋ سالالارىندا 187 ملرد تەڭگە شاماسىندا ەكونوميكالىق ەسەر بەردٸ. اتاپ ايتسام, قارجى سالاسىندا قوسىمشا تٷسٸمدەر, دەنساۋلىق ساقتاۋدا دەرٸلٸك زاتتاردى وڭتايلى بٶلۋ ارقىلى بولدى. وسىنداي ناقتى مىسالدار بٸلٸم بەرۋ, ەلەۋمەتتٸك سالالاردا دا ەكونوميكالىق ەسەرٸن كٶرسەتتٸ. بٸز بۇل جۇمىستى باسقا دا مەملەكەتتٸك ورگاندارمەن جالعاستىراتىن بولامىز», - دەدٸ مينيستر.
ٷشٸنشٸدەن, تسيفرلىق تەحنولوگييالاردى ەنگٸزۋ - ازاماتتاردىڭ دەربەس دەرەكتەرٸن قورعاۋدى تالاپ ەتەدٸ. وسى ورايدا دەربەس دەرەكتەردٸ قورعاۋ سالاسىنداعى ۋەكٸلەتتٸ ورگاندى انىقتاۋ ۇسىنىلادى.
«سونداي-اق, وسى دەرەكتەردٸ قورعاۋ سەرۆيسٸن ەنگٸزۋ قاجەت دەپ سانايمىز. سەرۆيس ازاماتتاردى ونىڭ دەرەكتەرٸمەن جاسالاتىن ٸس-ەرەكەتتەر تۋرالى حاباردار ەتۋگە مٷمكٸندٸك بەرەدٸ. ودان باسقا, وسى سالاداعى جاڭا ساقتاندىرۋ تٷرٸ رەتٸندە «ەرٸكتٸ كيبەرساقتاندىرۋ» قىزمەتٸ ەنگٸزٸلەدٸ. ٶزدەرٸڭٸزگە بەلگٸلٸ, ازاماتتاردىڭ دەربەس دەرەكتەرٸن قورعاۋ - مەملەكەت پارىزى», - دەدٸ اسقار جۇماعاليەۆ.
