Armeniia men Ázerbaijan bitimge keldi. Bul týraly qoǵamdyq teledidar efirinde Armeniia Qaýipsizdik Keńesiniń hatshysy Armen Grigorian málimdedi, - dep habarlaidy Massaget.kz portaly DW basylymyna silteme jasap.
"Halyqaralyq qaýymdastyqtyń aralasýynyń arqasynda 14 qyrkúiekte saǵat 20:00-den bastap bitimge kelý týraly ýaǵdalastyqqa qol jetkizildi. Ázerbaijan bul kelisimdi saqtaidy dep úmittenemiz", - dedi Grigorian qoǵamdyq teledidar efirinde.
Sonymen qatar, onyń aitýynsha, Bakýmen arada qol qoiylýǵa daiyndalyp jatqan qujat nemese kelisim joq.
Al Ázerbaijan tarapynan bitimgershilik týraly aqparat áli rastalǵan joq. Armeniia Qorǵanys ministrliginiń baspasóz hatshysy Aram Torosian Facebook-te jergilikti ýaqyt boiynsha 20:00-den bastap barlyq baǵyt boiynsha órt toqtatylǵanyn, eleýli oqiǵalar tirkelmegenin jazdy.
14 qyrkúiekte keshke Erevandaǵy Bagramian ortalyq dańǵylyn Armeniia premer-ministri Nikol Pashiniannyń otstavkaǵa ketýin talap etken, Parlament ǵimaratynyń aldynda jinalǵan birneshe myń adam jaýyp tastady. Narazylyqtardyń sebebi Pashiniannyń biliktiń Ázerbaijanmen belgili bir qujatqa qol qoiýǵa daiyn ekeni týraly málimdemesi bolǵan. BAQ málimetinshe, kópshilik úkimet basshysynyń parlamentte sóilegen sózin óz-ózin jariialaǵan Taýly Qarabaq Respýblikasyna qatysty shaǵymdardan bas tartý retinde qabyldaǵan.
Keiinirek Pashinian óziniń Facebook-paraqshasynda eshqandai qujattarǵa qol qoimaitynyn málimdedi.
"Qymbatty otandastar, manipýliatsiialarǵa berilmeýge shaqyramyn. Eshqandai qujatqa qol qoiylmady jáne qol qoiylýǵa daiyndalmady. Bul - eldiń tynyshtyǵyn buzý maqsatynda dushpandyq niettegi syrtqy kúshter baǵyttaityn aqparattyq diversiia", - dep atap ótti ol.
