Qazaqstanda bolǵan jappai bassyzdyq kezinde quqyq qorǵaý organy qyzmetkerlerimen qatar áskeriler de zardap shekti. Olar óz mindetin atqarǵan bolatyn. Sonyń biri almatylyq áskeri qyzmetker Qýandyq Qusaiynov óz oqiǵasymen bólisti, dep habarlaidy QazAqparat.
«Jolda kele jatqanda bizdiń áskeri kólikke adamdar shabýyl jasady. Kóliktiń aldyn jaýyp, jol bermei qoidy. Sondai-aq, biz mingen kamazǵa belgisiz suiyqtyq shashyp, bárimiz sekirip tústik. Túsken soń ereýilgen shyqqandardy sabyrǵa shaqyrýǵa tyrystyq. Biraq, olar sabyrǵa kelmesten bizdi uryp-soqty. Odan ári esimdi bilmeimin», - dedi áskeri qyzmetker Qýandyq Qusaiynov «Habar» agenttigi ázirlegen «Tragicheskii ianvar. Kak eto bylo» atty derekti filmde.
Áskerilerdiń aitýynsha, olar qarýsyz bolǵan.
«Bizde qarý bolǵan joq. Sebebi beibit miting dep oilap, jalpy jaǵdaidy baqylaýǵa keldik. Iaǵni maqsat – qoǵamdyq tártipti qamtamasyz etý. Biraq sherýge shyǵýshylar bassyzdyqqa salyp, bizdi tyńdamady. Onymen qoimai bizdiń olarǵa erýimizdi talap etip, memleketke qarsy shyǵyńdar dep úgittedi», - deidi áskeri qyzmetker.
