قازاقستاندا بولعان جاپپاي باسسىزدىق كەزٸندە قۇقىق قورعاۋ ورگانى قىزمەتكەرلەرٸمەن قاتار ەسكەريلەر دە زارداپ شەكتٸ. ولار ٶز مٸندەتٸن اتقارعان بولاتىن. سونىڭ بٸرٸ الماتىلىق ەسكەري قىزمەتكەر قۋاندىق قۇسايىنوۆ ٶز وقيعاسىمەن بٶلٸستٸ, دەپ حابارلايدى قازاقپارات.
«جولدا كەلە جاتقاندا بٸزدٸڭ ەسكەري كٶلٸككە ادامدار شابۋىل جاسادى. كٶلٸكتٸڭ الدىن جاۋىپ, جول بەرمەي قويدى. سونداي-اق, بٸز مٸنگەن كامازعا بەلگٸسٸز سۇيىقتىق شاشىپ, بەرٸمٸز سەكٸرٸپ تٷستٸك. تٷسكەن سوڭ ەرەۋٸلگەن شىققانداردى سابىرعا شاقىرۋعا تىرىستىق. بٸراق, ولار سابىرعا كەلمەستەن بٸزدٸ ۇرىپ-سوقتى. ودان ەرٸ ەسٸمدٸ بٸلمەيمٸن», - دەدٸ ەسكەري قىزمەتكەر قۋاندىق قۇسايىنوۆ «حابار» اگەنتتٸگٸ ەزٸرلەگەن «تراگيچەسكيي يانۆار. كاك ەتو بىلو» اتتى دەرەكتٸ فيلمدە.
ەسكەريلەردٸڭ ايتۋىنشا, ولار قارۋسىز بولعان.
«بٸزدە قارۋ بولعان جوق. سەبەبٸ بەيبٸت ميتينگ دەپ ويلاپ, جالپى جاعدايدى باقىلاۋعا كەلدٸك. ياعني ماقسات – قوعامدىق تەرتٸپتٸ قامتاماسىز ەتۋ. بٸراق شەرۋگە شىعۋشىلار باسسىزدىققا سالىپ, بٸزدٸ تىڭدامادى. ونىمەن قويماي بٸزدٸڭ ولارعا ەرۋٸمٸزدٸ تالاپ ەتٸپ, مەملەكەتكە قارسى شىعىڭدار دەپ ٷگٸتتەدٸ», - دەيدٸ ەسكەري قىزمەتكەر.
