Qyzylorda turǵyny aýtizm diagnozy qoiylǵan qyzyna jergilikti damytý ortalyǵynyń qyzmetkeri kúsh kórsetkenin aityp, quqyq qorǵaý organdarynan shara qabyldaýdy talap etti, dep habarlaidy ult.kz.
Kazinform-nyń jazýynsha, shaǵymdanýshynyń qyzy biraz ýaqyttan beri damytý ortalyǵyna baryp júrgen. Ol balasyn mamandarǵa senip tapsyrǵanyn, alaida kútpegen jerden jiberilgen beinejazba jaǵdaidyń basqa qyryn kórsetkenin aitady.
«Ortalyq basshysy maǵan sabaq barysyndaǵy beinejazbany baiqamai jiberip qoiǵan. Videony kórgende qatty kúizeldim. Sóilei almaityn, ózin qorǵai almaityn erekshe balamdy bir ai boiy uryp kelgenin kórdim», – deidi Raýshan Orynbai.
Ol quqyq qorǵaý organdaryn, bilim basqarmasyn jáne balalar quqyqtaryn qorǵaý jónindegi ýákildi isti jan-jaqty tekserip, kinálilerdi zań aiasynda jaýapqa tartýǵa shaqyrdy.
Oqiǵaǵa bailanysty Qyzylorda oblystyq politsiia departamenti túsinikteme berdi. Vedomstvo málimetinshe, kámeletke tolmaǵan balany tárbieleý jónindegi mindetterdi tiisinshe oryndamaý deregi boiynsha qylmystyq is qozǵalǵan.
Qazir tergeý amaldary júrgizilip jatyr. Politsiia qyzmetkerleri beinejazbalardy zerttep, oqiǵanyń barlyq mán-jaiyn anyqtaýda. Sonymen qatar oblystyq bilim basqarmasyna tiisti usynys joldanǵan.
Aita keteiik, buǵan deiin Almatyda erekshe balaǵa kúsh qoldandy dep aiyptalǵan túzetý ortalyǵy qyzmetkeri jaýapqa tartylǵan bolatyn.
