Qordaidaǵy jaǵdai, qoǵamdaǵy túrli talqyǵa túsken taǵdyrlar eshkimdi bei-jai qaldyrmaǵany anyq. Adam shyǵyny boldy. Qaza bar jerde jaza da bolary anyq. Ony quzyrly oryndar tergep, teksere jatar.
Meniń aitpaǵym memleket quraýshy ult – qazaq halqynyń qaqy jaiynda. Iá memleket quraýshy ult qazaq halqy ekenine eshkimniń daýy joq. Biraq biz memleket quraýshy ult retinde "biriktirýshi ultqa" ainala aldyq pa degen saýal meni jii mazalaidy.
Osy turǵydan alǵanda ulttyq qundylyqtarymyzdy qurmetteýdi, salt-dástúrimizge sai ómir súrip, dinimiz ben tilimizdi berik ustanýda, ókinishke orai, eshkimge úlgi bola almaimyz. Qazaq «Ózińdi – óziń jattai kút, jat boiynan túńilsin» deidi. Ózge ult ókilderi qazaq halqyn qurmettesin desek, birinshi kezekte ózimizdi ózimiz syilap, bysqaǵa syilata bilýimiz kerek. Eregispen júrip enshi alý - bizdiń qanymyzda joq qasiet.
Eldiń bereke-birlikte kún keship, qoǵamdyq-saiasi ahýaldyń turaqty bolýyna memleket quraýshy ult retinde birinshi kezekte qazaq halqy jaýapty. Al ózge ult ókilderi dástúrimizdi dáriptep, tilimiz ben dinimizdi syilap, zańymyzdy qurmettep, memlekettik tildi meńgerip, jattyǵyn sezdirmese, bizdiń de olarǵa qashanda qushaǵymyz ashyq.
Táýelsiz elimizde, óz jerimizde birligimizben qazaqtyń tóńireginde birikken bir el bolyp, ónegemizben ózgeni baýyrymyzǵa basa bileiik.
Berik Ábdiǵaliulynyń feisbýktaǵy jazbasynan
