قوردايداعى جاعداي, قوعامداعى تٷرلٸ تالقىعا تٷسكەن تاعدىرلار ەشكٸمدٸ بەي-جاي قالدىرماعانى انىق. ادام شىعىنى بولدى. قازا بار جەردە جازا دا بولارى انىق. ونى قۇزىرلى ورىندار تەرگەپ, تەكسەرە جاتار.
مەنٸڭ ايتپاعىم مەملەكەت قۇراۋشى ۇلت – قازاق حالقىنىڭ قاقى جايىندا. يە مەملەكەت قۇراۋشى ۇلت قازاق حالقى ەكەنٸنە ەشكٸمنٸڭ داۋى جوق. بٸراق بٸز مەملەكەت قۇراۋشى ۇلت رەتٸندە "بٸرٸكتٸرۋشٸ ۇلتقا" اينالا الدىق پا دەگەن ساۋال مەنٸ جيٸ مازالايدى.
وسى تۇرعىدان العاندا ۇلتتىق قۇندىلىقتارىمىزدى قۇرمەتتەۋدٸ, سالت-دەستٷرٸمٸزگە ساي ٶمٸر سٷرٸپ, دٸنٸمٸز بەن تٸلٸمٸزدٸ بەرٸك ۇستانۋدا, ٶكٸنٸشكە وراي, ەشكٸمگە ٷلگٸ بولا المايمىز. قازاق «ٶزٸڭدٸ – ٶزٸڭ جاتتاي كٷت, جات بويىنان تٷڭٸلسٸن» دەيدٸ. ٶزگە ۇلت ٶكٸلدەرٸ قازاق حالقىن قۇرمەتتەسٸن دەسەك, بٸرٸنشٸ كەزەكتە ٶزٸمٸزدٸ ٶزٸمٸز سىيلاپ, بىسقاعا سىيلاتا بٸلۋٸمٸز كەرەك. ەرەگٸسپەن جٷرٸپ ەنشٸ الۋ - بٸزدٸڭ قانىمىزدا جوق قاسيەت.
ەلدٸڭ بەرەكە-بٸرلٸكتە كٷن كەشٸپ, قوعامدىق-ساياسي احۋالدىڭ تۇراقتى بولۋىنا مەملەكەت قۇراۋشى ۇلت رەتٸندە بٸرٸنشٸ كەزەكتە قازاق حالقى جاۋاپتى. ال ٶزگە ۇلت ٶكٸلدەرٸ دەستٷرٸمٸزدٸ دەرٸپتەپ, تٸلٸمٸز بەن دٸنٸمٸزدٸ سىيلاپ, زاڭىمىزدى قۇرمەتتەپ, مەملەكەتتٸك تٸلدٸ مەڭگەرٸپ, جاتتىعىن سەزدٸرمەسە, بٸزدٸڭ دە ولارعا قاشاندا قۇشاعىمىز اشىق.
تەۋەلسٸز ەلٸمٸزدە, ٶز جەرٸمٸزدە بٸرلٸگٸمٸزبەن قازاقتىڭ تٶڭٸرەگٸندە بٸرٸككەن بٸر ەل بولىپ, ٶنەگەمٸزبەن ٶزگەنٸ باۋىرىمىزعا باسا بٸلەيٸك.
بەرٸك ەبدٸعاليۇلىنىڭ فەيسبۋكتاعى جازباسىنان
