Ánshi Erdoc Qanaev áleýmettik jelidegi jazbasynda ajyrasqan áielder men otbasylyq máseleler týraly pikir bildirdi, dep habarlaidy ult.kz.
Óner iesi qolynda bilik bolsa, ajyrasýǵa keńes beretin koýchtar men ózin «danyshpan» sanaityn adamdarǵa jaýapkershilik júkteitinin jazǵan.
«Qolymda bilik bolsa, “koýchsymaqtar men “danyshpandardyń” sózine senip, ajyrasyp jatqan, sóitip bala-shaǵasyn asyrai almai baqytsyz bolyp jatqan barlyq áielderdiń bala-shaǵasyn asyraýdy solardyń moiyndaryna júkter edim», – dep jazdy Erdoc Qanaev.
Sonymen qatar ánshi áielinen aiyrylǵan er adamnyń keiin úilenýine bailanysty shyǵyndardy da atalǵan adamdarǵa júkteitinin aitqan.
«Áielderinen aiyrylǵan erkektiń endigi úilenetin toiyn, qyzǵa berer qalyńmalyn, bárin solardyń moinyna júkter edim. Qiiamette jaýap beresińder», – dedi ol.
Ánshiniń bul sózi áleýmettik jeli qoldanýshylary arasynda talqylandy. Keibiri onyń pikirine qosylsa, endi biri ajyrasýdyń sebepteri tek áielderdiń sheshimine nemese syrttan berilgen keńeske bailanysty emes ekenin alǵa tartqan.
Olardyń biri Erdoc Qanaevtan ajyrasýǵa sebep bolatyn zorlyq-zombylyq, maskúnemdik, nashaqorlyq, er adamnyń otbasyǵa materialdyq jaýapkershilik almaýy jáne ata-ananyń aralasýy siiaqty jaǵdailarǵa da nazar aýdarýdy suraǵan.
Al taǵy bir pikir iesi ánshiniń ustanymyn qoldamai, «ajyrasýdyń sebebin tereń zertteý kerek» degen oiyn bildirgen.
