Foto: instagram.com/kilicdaroglu
Túrkiianyń oppozitsiialyq Respýblikalyq halyq partiiasynyń (SNR) jetekshisi jáne prezidenttikke úmitker bolǵan Kemal Kylychdaroǵlý 110 jylǵa deiin bas bostandyǵynan aiyrylýy múmkin, - dep habarlaidy Tengrinews.kz saity Cumhuriyet basylymyna silteme jasap.
Basylymnyń sholýshysy Barysh Terkoǵlýdyń málimetinshe, depýtattyq mandatynan aiyrylǵan Kylychdaroǵlý taiaý kúnderi tutqyndalýy múmkin. Is Ankara prokýratýrasyna jiberilgen.
"Kylychdaroǵlý 110 jylǵa deiin túrmege qamalyp, oǵan saiasi qyzmetterge tyiym salynýy múmkin", - delingen habarlamada.
Kylychdaroǵlýdyń advokaty Djelal Cheliktiń aitýynsha, saiasatkerge qarsy 28 is qozǵalǵan. Kóp jaǵdaida prezident Rejep Taiyp Erdoǵan sebepker bolǵan. Sonymen qatar, kóptegen sot isi boiynsha saiasatker 4 jylǵa deiin, al jalpy alǵanda barlyq sot isi boiynsha 110 jylǵa bas bostandyǵynan aiyrylýy múmkin.
Kylychdaroǵlý óziniń jeńilgenin moiyndaitynyn nemese daýys berý nátijelerine qarsy shyǵatynyn málimdegen joq. Biraq ol demokratiia úshin kúresti Túrkiiada "sózdiń shyn maǵynasynda" júzege asyrylmaiynsha jalǵastyratynyna sendirdi.
Eske sala keteiik, saiasatker prezidenttik sailaýdyń ekinshi týrynda 47,82 paiyz daýys jinap, Erdoǵannan jeńilip qalǵan edi.
