Prezident Qasym-Jomart Toqaev jumys saparymen Ankaraǵa barady, - dep habarlaidy "Ult aqparat" Aqordanyń baspasóz qyzmetine silteme jasap.
"Memleket basshysy Qasym-Jomart Toqaev 16 naýryzda Túrkiia Prezidenti Rejep Taiip Erdoǵannyń shaqyrýymen Túrki memleketteri uiymynyń kezekten tys sammitine qatysý úshin Ankaraǵa jumys saparymen barady", - delingen habarlamada.
Is-shara barysynda Uiymnyń apat pen tótenshe jaǵdailar menedjmenti jáne gýmanitarlyq kómek salasyndaǵy qyzmetiniń basym baǵyttary, sonyń ishinde tabiǵi apattarǵa qarsy kúres jónindegi yntymaqtastyqty úilestirýge jáne nyǵaitýǵa qatysty máseleler qarastyrylady.
Sapar barysynda Memleket basshysy Túrkiia Prezidentimen kezdesý ótkizedi dep josparlanyp otyr.
