Túrkiia Prezidenti Rejep Taiip Erdoǵan Reseidiń Ýkrainaǵa áskeri shabýyly jaǵdaiynda Ankara NATO-ǵa músheligi aiasynda óz mindettemelerin oryndaýdy jalǵastyratynyn málimdedi, - dep habarlaidy Tengrinews.kz agenttigi.
"Biz qazirgi daǵdarystyń sheshimin dialog pen diplomatiia arqyly tapqymyz keledi. Resei men Ýkrainany máseleni konstrýktivpen jáne baisaldylyqpen sheshýge shaqyramyz. Biraq Túrkiia NATO-ǵa múshelik talaptaryn oryndaidy", - dedi Erdoǵan NTV túrik telearnasynyń efirinde. Onyń sózderin EADaily keltiredi.
Alaida el basshysy Túrkiia naqty qandai qadamdarǵa daiyn ekenin jáne Soltústik Atlantikalyq alianstyń múshesi retinde Ýkrainadaǵy jaǵdaiǵa qatysty qandai mindettemeleri baryn aitpady.
Erdoǵan Túrkiia basynan bastap Ýkrainanyń aýmaqtyq tutastyǵy men egemendigin qoldaǵanyn atap ótti.
"Biz Reseidiń Ýkrainanyń aýmaqtyq tutastyǵyn, ásirese Qyrymdy anneksiialaýy jónindegi qadamdaryna qarsy naqty ustanymda boldyq", - dedi ol.
Túrkiia prezidenti Ankaranyń eki el arasyndaǵy kelispeýshilikterdi beibit jolmen sheshý maqsatynda Resei basshylary Vladimir Pýtin men Ýkraina Vladimir Zelenskiidiń kezdesýin uiymdastyrýǵa daiyn ekenin taǵy da málimdedi.
"Eki jaqtan da tilek bolǵan kezde Túrkiia beibitshilik atmosferasyn qalpyna keltirýge jol ashý maqsatynda Resei men Ýkraina kóshbasshylarynyń kezdesýin uiymdastyrýǵa daiyn", - dedi Túrkiia basshysy.
Erdoǵan Resei "qarýly shabýylǵa jáne Ýkrainany basyp alýǵa" barmaidy degen úmiti baryn málimdedi. "Mundai qadam Resei men bizdiń aimaqqa utymdy bolmaidy", - dep keltiredi prezident sózin Anadolý.
