Resei Prezidenti Vladimir Pýtin men Túrkiia Prezidenti Rejep Taiyp Erdoǵan 27 tamyzda Máskeý mańyndaǵy Jýkovskii qalasynda kezdesip, eki arasynda áriptestikti damytý jáne Siriiadaǵy azamat soǵysyn talqylaidy, - dep habarlady Kremldiń baspasóz qyzmeti.
Erdoǵan Reseige baratyn kezde Siriia úkimeti Idlib provintsiiasynda kóterilisshilerge áýeden shabýyl jasap jatyr. Buǵan deiin Máskeý men Ankara Idlib provintsiiasynda qarýsyz aimaq qurý týraly ýaǵdalasqan.
Erdoǵan Idlibtegi jaǵdai týraly Pýtinmen telefon arqyly sóileskenin aitqan. "Biz bul problemalardy tezirek sheshemiz dep úmittenemin" degen ol 26 tamyzda.
Túrkiialyq Hurriyet basylymynyń jazýynsha, Erdoǵan "jaqynda" Siriiaǵa túrik jaiaý áskeri engiziletinin aitqan. Onyń sózinshe, Siriiada qazirgi kezde túrkiialyq áskeri drondar men tikushaqtar bar. "Bizdiń shekaramyzǵa jaqyn jerdegi qorǵanys qiratylyp jatyr. Kóp uzamai jaiaý áskerimiz aimaqqa enedi dep otyrmyz" degen ol.
Túrkiia Siriiada prezident Bashar Asad rejimine qarýly qarsylyq kórsetip jatqan kóterilisshi toptardyń keibirin qoldaidy. Ankara Siriiamen shekara mańynda "qaýipsizdik aimaǵyn" qurý týraly AQSh-pen áriptestik kelisim jasaǵan.
