رەسەي پرەزيدەنتٸ ۆلاديمير پۋتين مەن تٷركييا پرەزيدەنتٸ رەجەپ تايىپ ەردوعان 27 تامىزدا مەسكەۋ ماڭىنداعى جۋكوۆسكيي قالاسىندا كەزدەسٸپ, ەكٸ اراسىندا ەرٸپتەستٸكتٸ دامىتۋ جەنە سيريياداعى ازامات سوعىسىن تالقىلايدى, - دەپ حابارلادى كرەملدٸڭ باسپاسٶز قىزمەتٸ.
ەردوعان رەسەيگە باراتىن كەزدە سيرييا ٷكٸمەتٸ يدليب پروۆينتسيياسىندا كٶتەرٸلٸسشٸلەرگە ەۋەدەن شابۋىل جاساپ جاتىر. بۇعان دەيٸن مەسكەۋ مەن انكارا يدليب پروۆينتسيياسىندا قارۋسىز ايماق قۇرۋ تۋرالى ۋاعدالاسقان.
ەردوعان يدليبتەگٸ جاعداي تۋرالى پۋتينمەن تەلەفون ارقىلى سٶيلەسكەنٸن ايتقان. "بٸز بۇل پروبلەمالاردى تەزٸرەك شەشەمٸز دەپ ٷمٸتتەنەمٸن" دەگەن ول 26 تامىزدا.
تٷركييالىق Hurriyet باسىلىمىنىڭ جازۋىنشا, ەردوعان "جاقىندا" سيريياعا تٷرٸك جاياۋ ەسكەرٸ ەنگٸزٸلەتٸنٸن ايتقان. ونىڭ سٶزٸنشە, سيرييادا قازٸرگٸ كەزدە تٷركييالىق ەسكەري دروندار مەن تٸكۇشاقتار بار. "بٸزدٸڭ شەكارامىزعا جاقىن جەردەگٸ قورعانىس قيراتىلىپ جاتىر. كٶپ ۇزاماي جاياۋ ەسكەرٸمٸز ايماققا ەنەدٸ دەپ وتىرمىز" دەگەن ول.
تٷركييا سيرييادا پرەزيدەنت باشار اساد رەجيمٸنە قارۋلى قارسىلىق كٶرسەتٸپ جاتقان كٶتەرٸلٸسشٸ توپتاردىڭ كەيبٸرٸن قولدايدى. انكارا سيرييامەن شەكارا ماڭىندا "قاۋٸپسٸزدٸك ايماعىن" قۇرۋ تۋرالى اقش-پەن ەرٸپتەستٸك كەلٸسٸم جاساعان.
