Foto: ©RIA Novosti
Túrkiia prezidenti Rejep Taiyp Erdoǵan reseilik áriptesi Vladimir Pýtinmen telefon arqyly sóilesti.
Bul týraly Túrkiia prezidenti ákimshiligi baspasóz basqarmasynyń Twitter jelisindegi resmi paraqshasynda jariialandy, - dep habarlaidy Tengrinews.kz portaly.
Málimdemede eki el kóshbasshylary energetika máselelerin, Túrkiia-Resei qatynastarynyń jai-kúii men baǵyttaryn, sondai-aq, óńirlik protsesterdi talqylaǵany aitylǵan. Sonymen qatar, prezidentter talqylaǵan basty taqyryptardyń biri Ýkrainadaǵy soǵys bolǵan.
Erdoǵan Pýtinge dialogty ilgeriletý jónindegi bastamalardyń oń nátijeleri týraly aitqan. Ol "astyq dálizi" týraly ýaǵdalastyqta, tutqyn almasýda jáne Zaporoje atom elektr stantsiiasynyń ainalasyndaǵy qaýipsizdikti qamtamasyz etýde kóringen.
Sonymen qatar, Erdoǵan Pýtinge Túrkiiada gaz habyn qurý úshin jol kartasyn jasaýdyń naqty qadamdaryn maqsat etip otyrǵanyn málimdedi. Osyǵan bailanysty Túrkiia basshysy eldiń energetikalyq infraqurylymyn damytý jónindegi kúsh-jigerge nazar aýdardy.
Aita keteiik, buǵan deiin Túrkiia prezidenti Rejep Taiyp Erdoǵan Resei prezidenti Vladimir Pýtinmen halyqaralyq gaz habyn qurý týraly kelisken bolatyn.
