Túrkiia prezidenti Rejep Taiyp Erdoǵan sý tasqyny men selden zardap shekken Kastamoný, Bartyn jáne Sinop aýdandaryn «tabiǵi apat aimaǵy» dep jariialady, dep habarlaidy Anadoly agenttigi.
«Sel tasqyny qiratqan úilerdiń ornyna jańa zamanaýi úiler turǵyzylady. Elimiz óz jolyn belsendi qarqynmen jalǵastyrady», - dep málimdedi memleket basshysy.
Erdoǵan Túrkiia men onyń halqy osy kezeńnen sátti ótken soń jańa negizgi kezeń bastaitynyn atap ótti.
11 tamyzda Túrkiianyń soltústiginde tolassyz jaýǵan jańbyr saldarynan sel, kóshkin júrdi jáne sý tasqyny boldy. Tabiǵi apattan Kastamoný provintsiiasynda 25, kórshi Sinopta eki adam qaza tapty.
