Amerika men Túrkiia arasyndaǵy qarym-qatynas durys baǵytta kele jatqan joq. 23 qyrkúiekte Niý-Iorkte BUU Bas assambleiasynda sóilegen Túrkiia basshysy Rejep Erdoǵan osylai dep málimdedi. Bul týraly Azattyq radiosy jazady.
Túrik basshysy Ankaranyń Djo Baiden ákimshiligimen qarym-qatynasy áý bastan durys bastalmaǵanyn aityp, eger NATO múshesi AQSh qorǵanys salasynda kómektespese, basqa elden kómek suraitynyn eskertti.
Erdoǵan sózine súiengen Túrkiianyń Haberturk basylymynyń jazýynsha, eki el arasyndaǵy kelispeýshilikter Túrkiianyń Reseiden S-400 zymyrandar júiesin satyp alýynan týyndaǵan. Vashington buǵan narazy.
"Túrik-Amerika qatynasy jaqsy órbip jatyr dep aita almaimyn" dedi Niý-Iorkte jýrnalister suraqtaryna jaýap bergen Túrkiia basshysy.
Túrkiia Máskeýmen milliardtaǵan dollarǵa baǵalanǵan C-400 júiesin satyp alýǵa keliskennen keiin byltyr Donald Tramp ákimshiligi túriktiń qorǵanys salasyna sanktsiia salǵan.
Kei sarapshylardyń pikirinshe, S-400 NATO men AQSh paidalanatyn F-35 ushaqtaryna qaýip tóndiredi.
