امەريكا مەن تٷركييا اراسىنداعى قارىم-قاتىناس دۇرىس باعىتتا كەلە جاتقان جوق. 23 قىركٷيەكتە نيۋ-يوركتە بۇۇ باس اسسامبلەياسىندا سٶيلەگەن تٷركييا باسشىسى رەجەپ ەردوعان وسىلاي دەپ مەلٸمدەدٸ. بۇل تۋرالى ازاتتىق راديوسى جازادى.
تٷرٸك باسشىسى انكارانىڭ دجو بايدەن ەكٸمشٸلٸگٸمەن قارىم-قاتىناسى ەۋ باستان دۇرىس باستالماعانىن ايتىپ, ەگەر ناتو مٷشەسٸ اقش قورعانىس سالاسىندا كٶمەكتەسپەسە, باسقا ەلدەن كٶمەك سۇرايتىنىن ەسكەرتتٸ.
ەردوعان سٶزٸنە سٷيەنگەن تٷركييانىڭ Haberturk باسىلىمىنىڭ جازۋىنشا, ەكٸ ەل اراسىنداعى كەلٸسپەۋشٸلٸكتەر تٷركييانىڭ رەسەيدەن س-400 زىمىراندار جٷيەسٸن ساتىپ الۋىنان تۋىنداعان. ۆاشينگتون بۇعان نارازى.
"تٷرٸك-امەريكا قاتىناسى جاقسى ٶربٸپ جاتىر دەپ ايتا المايمىن" دەدٸ نيۋ-يوركتە جۋرناليستەر سۇراقتارىنا جاۋاپ بەرگەن تٷركييا باسشىسى.
تٷركييا مەسكەۋمەن ميللياردتاعان دوللارعا باعالانعان C-400 جٷيەسٸن ساتىپ الۋعا كەلٸسكەننەن كەيٸن بىلتىر دونالد ترامپ ەكٸمشٸلٸگٸ تٷرٸكتٸڭ قورعانىس سالاسىنا سانكتسييا سالعان.
كەي ساراپشىلاردىڭ پٸكٸرٸنشە, س-400 ناتو مەن اقش پايدالاناتىن F-35 ۇشاقتارىنا قاۋٸپ تٶندٸرەدٸ.
