Foto: gov.tr
Túrkiia prezidenti Rejep Taiyp Erdoǵan 14 mamyrda prezidenttik jáne parlamenttik sailaý ótkizý týraly sheshimin rastady. Bul týraly ol biliktegi Ádilet jáne damý partiiasy (AKP) atynan parlamentte sóilegen sózinde aitty, - dep habarlaidy Tengrinews.kz portaly Deutsche Welle agenttigine silteme jasap.
"Ýaqyt taiap qaldy. 14 mamyrda halqymyz qajet nárseni jasaidy dep úmittenemin", - dedi Túrkiia basshysy.
Erdoǵan úkimeti Túrkiia men Siriiada bolǵan jer silkinisinen qaza tapqandar sanynyń kóptigi úshin synǵa alynǵan bolatyn.
Eldegi jáne sheteldegi synshylar AKP jyldar boiy qurylysshylar men úi ielerine ǵimarattardy qaýipsiz etetin erejelerdi buzǵany úshin amnistiia jariialaǵanyna nazar aýdarǵan.
