Memleket basshysy Qasym-Jomart Toqaev Ulttyq bank tóraǵasy Erbolat Dosaevtyń esebin tyńdady, dep habarlaidy "Ult aqparat" Aqordaǵa silteme jasap.
Erbolat Dosaev Qasym-Jomart Toqaevqa valiýta naryǵy men qarjy salasyndaǵy qazirgi ahýal týraly aitty.
Ulttyq bank tóraǵasy Qazaqstannyń qor birjasyndaǵy «teńge-dollar» saýdasy kezinde Frankfýrt aýktsiony ádisin ýaqytsha engizý, sondai-aq, qarjylyq turaqtylyq pen iskerlik belsendilikti saqtaý maqsatynda aqsha-kredit saiasatyna qatysty qabyldanǵan sharalar jaiynda baiandady.
Memleket basshysy valiýta naryǵyndaǵy jaǵdaidy turaqtandyrý úshin Ulttyq banktiń, Úkimettiń jáne ulttyq holdingterdiń úilesimdi jumys júrgizip, tiimdi sheshimder qabyldaýynyń mańyzdylyǵyn atap ótti.
Qasym-Jomart Toqaevtyń pikirinshe, infliatsiia deńgeiiniń ósýine qarsy jumystarǵa erekshe nazar aýdarý kerek.
Kezdesý qorytyndysy boiynsha Prezident otandyq kásiporyndarǵa nesie berýge, olardyń operatsiialyq qyzmetin qarjylandyrýǵa qatysty keshendi qoldaý sharalaryn qabyldaýdy tapsyrdy.
