Almaty ákimi Erbolat Dosaev qalalyq politsiia departamentinde quqyq qorǵaý organdarynyń qyzmetkerlerimen kezdesti. Kezdesý barysynda qala ákimi politsiia qyzmetkerlerine terroristik shabýyldar kezindegi qyzmetteri úshin alǵysyn bildirdi, dep habarlaidy QazAqparat.
«Óz atymnan qańtar tragediiasy kezinde kásibi mindetti minsiz atqarǵanyńyz úshin alǵys aitam. Mundai qaiǵyly jaǵdaidy keleside boldyrmas úshin politsiia qyzmetin jandandyryp, zamanaýi tehnikamen jabdyqtaý kerek ekenin qalaǵa jasalǵan shabýyl aiqyndap berdi.
Qaza tapqan politseilerdiń otbasylaryna kómek kórsetildi, qazir búlingen ǵimarattar jóndelip, qaita qalpyna keltirý jumystary júrip jatyr. Biz bárimiz qalanyń tynyshtyǵy úshin tik turyp, aianbai eńbek ete alatynymyzǵa senim bildirgim keledi. Biz sizderge qalanyń eń basty bailyǵy – Almaty turǵyndarynyń amandyǵy men densaýlyǵyn senip tapsyramyz», - dedi Erbolat Dosaev.
Sondai-aq qala ákimine Jedel basqarý ortalyǵy, onyń ishinde búkil qala boiynsha ornatylǵan 10 myńnan astam beinekameraǵa qosylǵan beinebaqylaý júiesi kórsetildi.
