الماتى ەكٸمٸ ەربولات دوساەۆ قالالىق پوليتسييا دەپارتامەنتٸندە قۇقىق قورعاۋ ورگاندارىنىڭ قىزمەتكەرلەرٸمەن كەزدەستٸ. كەزدەسۋ بارىسىندا قالا ەكٸمٸ پوليتسييا قىزمەتكەرلەرٸنە تەرروريستٸك شابۋىلدار كەزٸندەگٸ قىزمەتتەرٸ ٷشٸن العىسىن بٸلدٸردٸ, دەپ حابارلايدى قازاقپارات.
«ٶز اتىمنان قاڭتار تراگەديياسى كەزٸندە كەسٸبي مٸندەتتٸ مٸنسٸز اتقارعانىڭىز ٷشٸن العىس ايتام. مۇنداي قايعىلى جاعدايدى كەلەسٸدە بولدىرماس ٷشٸن پوليتسييا قىزمەتٸن جانداندىرىپ, زاماناۋي تەحنيكامەن جابدىقتاۋ كەرەك ەكەنٸن قالاعا جاسالعان شابۋىل ايقىنداپ بەردٸ.
قازا تاپقان پوليتسەيلەردٸڭ وتباسىلارىنا كٶمەك كٶرسەتٸلدٸ, قازٸر بٷلٸنگەن عيماراتتار جٶندەلٸپ, قايتا قالپىنا كەلتٸرۋ جۇمىستارى جٷرٸپ جاتىر. بٸز بەرٸمٸز قالانىڭ تىنىشتىعى ٷشٸن تٸك تۇرىپ, ايانباي ەڭبەك ەتە الاتىنىمىزعا سەنٸم بٸلدٸرگٸم كەلەدٸ. بٸز سٸزدەرگە قالانىڭ ەڭ باستى بايلىعى – الماتى تۇرعىندارىنىڭ اماندىعى مەن دەنساۋلىعىن سەنٸپ تاپسىرامىز», - دەدٸ ەربولات دوساەۆ.
سونداي-اق قالا ەكٸمٸنە جەدەل باسقارۋ ورتالىعى, ونىڭ ٸشٸندە بٷكٸل قالا بويىنشا ورناتىلعان 10 مىڭنان استام بەينەكامەراعا قوسىلعان بەينەباقىلاۋ جٷيەسٸ كٶرسەتٸلدٸ.
