QR Ulttyq banki basshysy Erbolat Dosaev Ulttyq bankti elordaǵa kóshirilýine qatysty óziniń pikirin bildirdi, dep habarlaidy "Ult aqparat".
«Bul taqyryp birneshe jyldan beri talqylanyp keledi. Banktiń Nur-Sultan qalasyna qonys aýdaratyn merzimine qatysty Memleket basshysy sheshim shyǵardy. Ulttyq bankti qaita qurý kezinde derbes ortalyq memlekettik institýt retinde bólinip shyǵatyn, Prezidentke tikelei baǵynyshty bolatyn qarjylyq naryqty retteý men damytý agenttigi Almatyda qalady dep aita alamyn. Qarjylyq naryqtyń damýyna jaýap beretin tarihi statýsy bar retteýshi Qarjylyq institýttarǵa jaqyn bolǵany durys. Almatynyń qarjylyq ortalyq retinde mártebesi joǵalmaitynyna senimdimin», - dedi Dosaev.
Ol basqa bankter de ózderiniń basty ofisterin NurSultan qalasyna jappai kóshiretin tendentsiia baiqamaitynyn aitty.
Tipti First Heartland Jýsan Bank birigýinen soń basty ofisin Almatyǵa kóshirip jatyr.
«QR Ulttyq bankiniń enshiles uiymdary Almatyda qalady. Bul kerisinshe Almatynyń damýyna jańa serpin bermek. QR Ulttyq banktiń aqsha nesie saiasatyn júzege asyrý úshin jańa kommýnikatsiialyq jaǵdailar jasalýy múmkin. Sarapshylardyń málimdeýinshe, Evroodaqta 90% jáne 95% jaǵdaida Ortalyq bankter astanalarda ornalasqan», - dedi Ulttyq bank basshysy.
Bas bankir qarjylyq sektor men biznes ókilderin Almaty qalasy Ulttyq bank nazarynda bolady dep sendirdi.
«Qazaqstan táýelsizdiginiń 30 jyldyǵyna orai, iaǵni 2 jyldan soń Ulttyq bank elimizdiń bas qalasyna kóshýi kerek. Shamamen kelesi jyly astanaǵa kóshemiz», - dedi E.Dosaev.
