Erbolat Dosaev «Damý» qory direktorlar keńesiniń tóraǵasy bolyp taǵaiyndaldy, dep habarlaidy "Ult aqparat" qordyń baspasóz qyzmetine silteme jasap.
Aita keteiik, Erbolat Dosaev 2017 jyldyń tamyz aiynda Memleket basshysy Nursultan Nazarbaevtyń Jarlyǵymen QR Premer-Ministriniń orynbasary qyzmetine taǵaiyndalǵan edi. Ol 2016 jyldan beri «Damý» qory Direktorlar keńesine múshe.
Erbolat Asqarbekuly Dosaev 1970 jyly 21 mamyrda Almaty qalasynda týǵan. 1987 jyly Almaty qalasynyń O.Jáýtikov atyndaǵy respýblikalyq fizika-matematikalyq mektep-internatyn bitirdi. Almaty energetikalyq institýtyn, Baýman atyndaǵy Máskeý memlekettik tehnikalyq ýniversitetin bitirdi.
1997 j. - «Turan Álem Banki» JAQ Basqarma Tóraǵasynyń orynbasary, «ATF Bank» JAQ Basqarma Tóraǵasy;
1998 j. - Qazaqstan Respýblikasy Premer-Ministri keńesshisi;
1998 j. - Qazaqstan Respýblikasy Energetika, indýstriia jáne saýda vitse-ministri;
2000 j. - Qazaqstan Respýblikasy Qarjy vitse-ministri;
2001 j. - Qazaqstan Damý banki Direktorlar Keńesiniń Tóraǵasy;
2001-2003 jj. - Qazaqstan Respýblikasy Tabiǵi monopoliialar, básekelestikti qorǵaý jáne shaǵyn biznesti qoldaý agenttiginiń Tóraǵasy;
2003 - 2004 jj. - Qazaqstan Respýblikasynyń Qarjy ministri; Qazaqstandaǵy Eýropalyq qaita qurý jáne damý bankiniń basqarýshysy;
Qazaqstan Respýblikasy Ulttyq Bankiniń Basqarma múshesi;
2004 - 2006 jj. - Qazaqstan Respýblikasynyń Densaýlyq saqtaý ministri;
2006 - 2012 jj. «Qazinvestbank» AQ Direktorlar Keńesiniń Tóraǵasy;
2012 jylǵy 25 qyrkúiekten Qazaqstan Respýblikasynyń Ekonomikalyq damý jáne saýda ministri. 2013 jylǵy 16 qańtardan Qazaqstan Respýblikasynyń Ekonomika jáne biýdjettik josparlaý ministri.
2014 jylǵy 6 tamyzda Qazaqstan Respýblikasynyń Prezidentiniń Jarlyǵymen (№ 880) Qazaqstan Respýblikasynyń Ulttyq ekonomika ministri bolyp taǵaiyndaldy.
2015 jylǵy 30 sáýirde Qazaqstan Respýblikasynyń Prezidentiniń Jarlyǵymen (№ 5) Qazaqstan Respýblikasynyń Ulttyq ekonomika ministri bolyp qaita taǵaiyndaldy.
2016 jylǵy 6 mamyrda Qazaqstan Respýblikasynyń Prezidentiniń Jarlyǵymen Qazaqstan Respýblikasynyń Ulttyq ekonomika ministri laýazymynan bosatyldy. 2016 jylǵy 16 mamyrdan bastap Direktorlar Keńesiniń sheshimimen «Báiterek» UBH» AQ Basqarma tóraǵasy bolyp taǵaiyndaldy. «Qurmet» ordenimen, «Qazaqstan Konstitý-tsiiasyna 20 jyl» merekelik medalimen marapattalǵan.
