2020 jyly teńgeniń aiyrbastaý baǵamy bir AQSh dollary úshin 382,60 teńgeden 420,91 teńgege deiin 10 paiyzǵa quldyrady. Bul týraly Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy "Ult aqparat".
«2020 jylǵy jeltoqsanda munai baǵasynyń ósýi jáne eksporttaýshylardyń salyq tólemderin júzege asyrý úshin shetel valiýtasyn satýy esebinen ósken ishki usynyspen qatar táýekeldi aktivterge suranystyń artýy teńgeniń aiyrbastaý baǵamynyń bir AQSh dollary úshin 425,07 teńgeden 420,91 teńgege deiin 1 paiyzǵa nyǵaiýyna múmkindik berdi. Jalpy alǵanda, 2020 jyly ulttyq valiýta damýshy elderdiń basqa valiýtalarymen qatar investorlardyń táýekel aktivterinen shyǵýyna ákelgen koronavirýstan týyndaǵan daǵdarys aiasynda álsiredi», - dedi ol.
Máselen, onyń aitýynsha, Braziliia realy 29, túrik lirasy 25, al Resei rýbli 19,3 paiyzǵa álsiredi. 2020 jyly teńgeniń aiyrbastaý baǵamy bir AQSh dollary úshin 382,60 teńgeden 420,91 teńgege deiin 10 paiyzǵa quldyrady.
«Cyrtqy jaǵdailardyń jaqsarýyna bailanysty jáne Ulttyq bank Úkimetpen birlese otyryp qabyldaǵan sharalar kesheniniń arqasynda teńgeniń aiyrbastaý baǵamy naýryzdaǵy 448,5 teńgege deiingi quldyraýyn birshama artqa qaldyryp jyldy japqanyn atap ótý mańyzdy. Biylǵy 11 qańtarda birjadaǵy saýda-sattyq qorytyndysy boiynsha aiyrbastaý baǵamy aidyń basynan beri taǵy da 0,4 paiyzǵa nyǵaiyp, bir AQSh dollary úshin 419,18 teńge boldy», - dedi Erbolat Dosaev.
