COVID-19 taralýyna jol bermeý jónindegi vedomstvoaralyq komissiianyń tóraǵasy, Premer-Ministrdiń orynbasary Eraly Toǵjanov jumys saparymen Shyǵys Qazaqstan oblysyna bardy, dep habarlaidy "Ult aqparat" primeminister.kz-ke silteme jasap.
Vitse-premer óńirdegi epidemiologiialyq ahýal boiynsha oblys basshylyǵymen jedel keńes ótkizip, oblys ákimi Danial Ahmetovtiń qabyldanyp jatqan sharalar jónindegi esebin tyńdady.
Keńes qorytyndysy boiynsha Eraly Toǵjanov oblys ákimdigine on kún merzim ishinde óńirdegi epidemiologiialyq ahýaldy turaqtandyrý boiynsha túbegeili sharalardy qabyldaýdy, Densaýlyq saqtaý ministrligine konsýltativtik-ádistemelik kómek kórsetý úshin joǵary bilikti mamandardy óńirge jiberýdi tapsyrdy. Oblystaǵy epidemiologiialyq ahýaldy turaqtandyrý maqsatynda Vedomstvoaralyq komissiianyń tóraǵasy birqatar shekteý sharasyn engizýdi tapsyrdy:
2 qarashadan bastap Óskemen qalasyna kirý jáne shyǵý boiynsha áýe qozǵalysyn azaitý:
Nur-Sultan qalasyna/nan— aptasyna 17-den 7 reiske deiin;
Almaty qalasyna/nan — aptasyna 14-ten 7 reiske deiin;
Shymkent qalasyna/nan — aptasyna 2-den 1 reiske deiin.
2 qarashadan bastap Nur-Sultan – Óskemen baǵyty boiynsha temirjol qatynasyn aptasyna 3-ten 1-ge deiin, Almaty – Óskemen baǵyty boiynsha aptasyna 7-den 3-ke deiin qysqartý;
jolaýshylardyń Shyǵys Qazaqstan oblysynan áýe jáne temir jol kóligimen shyǵýy úshin COVID-19 teris nátijesi bar PTR testileýinen ótkendigi týraly anyqtamanyń mindetti túrde bolýy qamtamasyz etilýin (berilgen kúninen bastap 3 táýlikten aspaityn);
tranzitpen ótetin temirjol quramdarynyń oblys ishinde toqtaýyna tyiym salý;
sanitarlyq beketterdi ornata otyryp, Shyǵys Qazaqstan oblysyna kirýdi jáne shyǵýdy shekteý;
oblystyń basqa qalalary/aýdandary arasynda halyqtyń qozǵalysyn saqtai otyryp, Óskemen qalasynyń aýmaǵyna kirýge jáne shyǵýǵa tyiym salynýyn;
demalys jáne mereke kúnderi shekteý sharalaryn kúsheitý;
halyq arasyndaǵy bailanystardy azaitý maqsatynda qoǵamdyq kóliktiń qatynaý sanyn ulǵaitý;
qyzmetkerlerdiń keminde 80%-yn qashyqtaǵy jumys formatyna aýystyrýdy qamtamasyz etý;
oflain formatta jinalystardy ótkizýge tyiym salý;
kireberisterde, liftilerde, avtoturaqtarda jáne balalar oinaityn alańdarda, azyq-túlik bazarlarynda jáne t. b. jerlerde dezinfektsiia júrgizýdi qamtamasyz etý;
vahtalyq ádispen jumys isteitin jumyskerlerdiń (vahtaǵa kirý jáne shyǵý kezinde) tolyq kólemde PTR tekserilýin qamtamasyz etý;
áýejailarǵa, temirjol vokzaldaryna kútip alýshylar men shyǵaryp salýshylardyń kirýine tyiym salý (qolynda bileti bolǵan jaǵdaida ǵana ótkizý);
adamdar kóp jinalatyn oryndarǵa erekshe nazar aýdara otyryp, monitoringtik toptardyń karantin rejimin saqtaý jónindegi jumysyn kúsheitý;
karantin rejimin saqtaý qajettiligi týraly halyq arasynda aqparattyq-túsindirý jumystaryn kúsheitý jóninde sharalardy qabyldaý.
Shyǵys Qazaqstan oblysyndaǵy epidemiologiialyq ahýal QR Úkimetiniń turaqty baqylaýynda.
