Batys Qazaqstan oblysy boiynsha jumys sapary aiasynda QR Premer-Ministriniń orynbasary Eraly Toǵjanov «Atameken» óner saraiynyń saltanatty ashylýyna qatysty, ol oblys ortalyǵynda ornalasqan kórkemóner ujymdarynyń, mádeniettiń barlyq baǵyttarynyń ókilderiniń basyn qosady, dep habarlaidy "Ult aqparat" primeminister.kz-ke silteme jasap.
1120 oryndyq saraidyń kontsert hollynda Dáýletkerei atyndaǵy qazaq halyq aspaptary orkestriniń, Batys Qazaqstan oblysy ákimingiń estradalyq-simfoniialyq orkestriniń jáne Oral qalasynyń orys halyq aspaptary orkestriniń oryndaýynda otandyq jáne álemdik klassikterdiń ataqty shyǵarmalary oryndaldy.
Qazaqstannyń kórnekti mádeniet qairatkerleri Aiman Musaqojaeva, Birjan Hasanǵaliev, Dina Hamzina, Nurlan Bekmuhambetov, Janna Orynbasarova, Elena Nizamýtdinova jáne Juldyzbek Óteshqaliev meimandarǵa óz ónerlerin pash etti. Ártister kontsert zalynda jasalǵan akýstikanyń ereksheligin atap ótti.
Ortalyqtyń aýqymdy kartina galereiasynda Niderlandy jáne Italiia sýretshileri jumystarynyń kórmesi, sondai-aq BQO oblystyq tarihi-ólketaný murajaiynyń ekspozitsiiasy ornalasqan. Munda oblys, el sýretshileriniń sýretteri jáne halyqaralyq avtorlardyń qylqalam týyndylary usynylady.
«Atameken» óner saraiynda kontsertter men kórmeler ǵana emes, halyqaralyq forýmdar men basqa da buqaralyq mádeni is-sharalardy ótkizý josparlanǵan.
