Qazaqstanda meditsinalyq maska jetispeýshiligi týyndamaidy. Ortalyq kommýnikatsiialar qyzmetindegi baspasóz máslihatynda Úkimet basshysynyń orynbasary Eraly Toǵjanov osylai dedi, dep habarlaidy QazAqparat.
«Qazaqstanda óndirilip jatqan maska kólemi jetkilikti. Sonymen qatar aimaqtardyń bárinde birneshe márte qoldanýǵa bolatyn maskany da shyǵaryp jatyr. Qoimalarda da bar. Sol sebepti bul másele boiynsha Qazaqstanda problemasy týyndamaýy kerek», - dedi Eraly Toǵjanov.
Onyń aitýynsha, elimizde búgingi kúni táýligine 1 millionǵa jýyq maska shyǵarylady.
Dárihanalarda bir maskanyń baǵasy – 85 teńge.
