Foto: Getty Images
Qazaqstan Ulttyq Olimpiadalyq komitetiniń bas hatshysy qyzmetinen bosatylǵan Janar Ótesheva qyzmetine ketýine bailanysty oiyn bildirdi.
Janar Ótesheva qyzmetine ketýine bailanysty Instagram jelisindegi paraqshasynda jazba jariialady.
"Senimdi joǵaltpaǵan" dostardan kelgen qońyraýlar leginde shek joq. Mende bári jaqsy, bárine kóp rahmet! Aqparatqa qatysty tek bir nárse aita alamyn. Sizderge usynylǵan nusqada "shiki" tustar kóp. Olardyń orny ýaqyt óte kele tolatyn bolar. Oǵan deiin eshqandai pikir bildire almaimyn. Kem degende bireý er jigitke tán áreket jasaýy kerek qoi", - dedi Janar Ótesheva.
Aita keteiik, buǵan deiin Qazaqstan Ulttyq Olimpiadalyq komiteti prezidentiniń buiryǵymen bas hatshynyń senimhat negizinde berilgen ókilettigi joiylǵany habarlanǵan edi. Janar Ótesheva biyl 26 aqpanda UOK bas hatshysy bolyp taǵaiyndalǵan. Sondai-aq ol uzaq jyldar boiy Gennadii Golovkinniń PR-keńesshisi, menedjeri bolyp qyzmet atqarady.
