Áleýmettik jelilerde Ózbekstanda túsirilgen delingen video keńinen tarap, qoǵamnyń qyzý talqysyna tústi. Kadrlarda ákesi kishkentai qyzyn uiyqtamai qoiǵany úshin jazalap, oǵan maldyń qiyn jegizip jatqan sáti beinelengen, dep habarlaidy ult.kz.
Videoda qyzdyń jylap, qarsylyq bildirgenine qaramastan, er adamnyń áreketin toqtatpaǵany kórinedi. Bul kórinis jeli qoldanýshylarynyń narazylyǵyn týǵyzyp, kópshilik mundai áreketti balaǵa jasalǵan qatygezdik dep baǵalady.
Oqiǵa jariialanǵannan keiin áleýmettik jelilerde ákeni jaýapkershilikke tartýdy talap etken pikirler kóbeidi. Qoldanýshylar quqyq qorǵaý organdaryn oqiǵaǵa nazar aýdaryp, mán-jaidy anyqtaýǵa shaqyrýda.
