Dina Tańsári esimdi Facebook-qoldanýshysy 18 mamyr kúni Pavlodarda er adam ul balany urlap ketpek bolǵany týraly jazǵan edi. QR Ishki ister ministrligi bul oqiǵanyń mán-jaiyn aitty, dep habarlaidy "Ult aqparat".
«Bul aqparat shyndyqqa sáikes kelmeidi. Balany urlaý faktisi tirkelgen joq», - dedi vedomstvodan.
Politsiianyń anyqtaýynsha, 18 mamyrda saǵat 18.30 shamasynda 33 jastaǵy pavlodarlyq otbasymen birge óz kóligimen úiine qaityp bara jatqan. Donetskaia kóshesindegi úidiń aýlasynda onyń qyzy ózi kúndelikti tamaqtandyryp, qamqorlyq kórsetip júrgen mysyǵyn kóshedegi uldardyń biri qabyrǵaǵa soqqylap jatqanyn kórgen. Kózimen kórgen jaidan qyz bala qatty shoshynyp, jylai bastaǵan.
Osy kezde ákesi kóligin toqtatyp, ul balany qýyp jetip, oǵan eskertý jasaǵan. Úi janýaryn bulai qinaýǵa bolmaitynyn aitqan. Keiin kóligine otyryp, ketip qalǵan. Bolǵan oqiǵany ul balanyń anasy kórip, politsiiaǵa habar bergen. Alaida, tekserý kezinde jasóspirim balanyń denesinen eshqandai jaraqat anyqtalmaǵan.
Áitse de 33 jastaǵy er adamnyń ústinen Ákimshilik kodekstiń 73-baby 2-bóligi boiynsha hattama toltyrylyp, ol 5 táýlikke qamaldy.
