Atyraý jáne Mańǵystaý oblystaryndaǵy epidjaǵdaidy turaqtandyrý úshin aimaqqa meditsina qyzmetkerleri barady. Bul jóninde QR Densaýlyq saqtaý ministrligi habarlady.
Memleket basshysynyń tapsyrmasymen densaýlyq saqtaý ministrligi Atyraý jáne Mańǵystaý oblystaryndaǵy epidemiologiialyq jaǵdaidy turaqtandyrý úshin óńirlerge virýsolog, dáriger-infektsionist, reanimatolog, pýlmonolog syndy mamandardan turatyn birneshe top meditsina qyzmetkerin jiberedi, sondai-aq, reseilik dárigerler de kómektesedi.
Atyraý oblysyna 108 maman barady. Delegatsiia quramynda bas memlekettik sanitar dárigerdiń basshylyǵymen taýarlar men qyzmetterdiń sapasyn baqylaý komitetiniń 5 mamany, klinikalyq kafedralardan - 10 ǵalym, «Batys Qazaqstan meditsina ýniversiteti» KEAQ klinikasynan - 9 rezident, sondai-aq, quramynda pýlmonolog, reanimatolog jáne infektsionist bar Resei Federatsiiasynan - 6 dáriger bolady.
Mańǵystaý oblysyna 56 maman attandy. 42 dáriger-intern, Reseiden 9 maman jáne M.Ospanov atyndaǵy Batys Qazaqstan meditsina ýniversitetinen 5 ǵalym jiberiledi.
Esterińizge sala keteiik, keshe Qazaqstan Prezidenti Qasym-Jomart Toqaev óziniń Twitter akkaýntynda Atyraý oblysy halqynyń úndeýine jaýap bergen edi.
«Azamattardyń Atyraý oblysyndaǵy jaǵdaiǵa qatysty ótinishimen tanystym. Aimaqqa Premer-ministrdiń orynbasary bastaǵan komissiia bardy. Úkimet oblysqa meditsina qyzmetkerlerin jiberedi, dári-dármek jetkiziledi», - dep jazdy Toqaev.
