Mamyr aiyndaǵy merekeler jaqyndap keledi. Qala turǵyndary bul kúnderi top bolyp taza aýada saýyq qurǵandy unatady. Osyǵan bailanysty elordanyń sanitarlyq-epidemiologiialyq baqylaý departamenti qala turǵyndaryna qaýipti virýstyń densaýlyqqa qaýip tóndiretinin kezekti ret eskertti, dep habarlaidy Nur-Sultan ákimdiginiń resmi saity.
Nur-Sultan epidemiologiialyq ahýaldy baǵalaý boiynsha «qyzyl» aimaqta turǵanyna bir jarym ai boldy. Kún saiyn qalada KVI aýrýynyń 600-ge jýyq jańa jaǵdaiy tirkeledi.
Osyǵan bailanysty Nur-Sultan qalasynyń sanitariialyq-epidemiologiialyq baqylaý departamenti elordanyń barlyq azamattaryn mereke kúnderi túsinistikpen qarap, karantin rejimin qatań saqtaýdy suraidy. Qaýipti virýs báriniń densaýlyǵyna qaýip tóndiredi. Qonaqqa, kórshilerge, iri otyrystarǵa barmaýǵa, artyq jáne mańyzdy emes saparlarǵa shyqpaýǵa usynamyz.
«Negizgi qaýip tobynda áli de sozylmaly aýrýlary bar adamdar men aǵa býyn ókilderi tur. Sondai-aq, balalar da juqtyrýy múmkin. Pandemiia kezinde áleýmettik qashyqtyqty saqtaý óte mańyzdy ekenin umytpańyz. Biz ózimizdi oqshaýlaǵanda jáne vaktsinatsiia qabyldaǵan kezde ǵana indetti jeńemiz. Sondyqtan biz barlyq usynystardy oryndaýǵa jáne pandemiiamen kúreste jaýapkershilik pen birlikti kórsetýge shaqyramyz», - delingen habarlamada.
