Ulttyq qoǵamdyq densaýlyq saqtaý ortalyǵy direktorynyń birinshi orynbasary, epidemiolog Baýyrjan Júsipov mektepterde kezekshi synyptardyń ashylýyna qatysty pikir bildirdi, dep habarlaidy "Ult aqparat".
«Menińshe, 1-4 synypta oqityn balalar úshin kezekshi synyp engizý durys sheshim boldy. Tómengi synyp oqýshylary mektepte oqýy kerek. Meniń de osy jastaǵy balalarym bar», - dedi spiker koronavirýstyń ekinshi tolqynyn talqylaýǵa arnalǵan onlain jiynda.
Epidemiologtyń aitýynsha, bastaýysh synyptaǵy mektep oqýshylaryna onlain rejimde oqý aýyr tiedi.
«Al qalǵan mektep oqýshylaryna qatysty sheshimdi Bilim jáne ǵylym ministrligi men Densaýlyq saqtaý ministrligi qazir qabyldamaǵanda, barlyq oqýshylar 1-toqsanda offlain oqyǵanymen, 2-toqsanda erejeni qatańdatýǵa týra keler edi. Jalpy, indet maýsymdyq sipatqa ie. Buǵan qosa, ol qoǵam immýndalmaǵan kezde aitarlyqtai deńgeide dami beredi. Demek, qalai desek te barlyq el belgili bir deńgeide indetti bastan keshiredi. Biz muny jaqsy túsinemiz. Vaktsina jappai qoldanýǵa 2021 jyldyń ortasyna qarai ǵana daiyn bolady», - dedi epidemiolog.
