EO-nyń Syrtqy ister jáne qaýipsizdik saiasaty jónindegi joǵary ókili Jozep Borrel Siriianyń Idlib aimaǵynda jalǵasyp jatqan shielenisti tez arada toqtatýǵa shaqyrady. Bul týraly ol óziniń Twitter-degi blogynda jazdy.
«Idlibte bolyp jatqan shielenisti dereý toqtatý kerek. Úlken ashyq halyqaralyq áskeri qaqtyǵysqa túsý qaýpi bar. Bul sondai-aq, saldary aýyr qaiǵy-qasiret týdyrady jáne qarapaiym turǵyndarǵa qaýip tóndiredi», - dep jazdy Borrel.
«EO barlyq tarapty jyldam eskalatsiiaǵa shaqyrady. EO qaýipsizdik múddelerin qorǵaý úshin barlyq qajetti sharalardy qarastyrady. Biz barlyq múddeli qatysýshylarmen bailanystamyz», - dep kórsetken eýropalyq diplomatiia basshysy óz jazbasynda.
