Búgin Eýropalyq odaqqa múshe memleketterdiń syrtqy ister ministrleriniń otyrysy kezinde EO-nyń Ortalyq Aziia boiynsha jańa arnaiy ókili taǵaiyndaldy, dep habarlaidy "Ult aqparat".
Bul qyzmetke finliandiialyq Terhi Hakala laiyq dep tanyldy. EO-nyń Ortalyq Aziia boiynsha jańa arnaiy ókiliniń mandaty 2021 jyldyń 1 shildesinen bastalady jáne 2023 jyldyń 28 aqpanyna deiin kúshinde bolady.
Terhi Hakala - EO-nyń Ortalyq Aziiadaǵy jáne shyǵystaǵy dostas eldermen jumys boiynsha, sonyń ishinde Eýropadaǵy Qaýipsizdik jáne Yntymaqtastyq Uiymy (OBSE) jelisi boiynsha mol tájiribesi bar fin diplomaty.
Hakala shet elderde túrli diplomatiialyq qyzmetter atqarǵan. Sonyń ishinde Reseide, ońtústik jáne ońtústik-shyǵys Aziiada, Shveitsariiada elshilik deńgeiindegi qyzmetterdi atqarǵan.
Sońǵy qyzmeti - Finliandiia syrtqy ister ministrligindegi tehnologiia jáne qaýipsizdik máseleleri boiynsha elshi.
Ol orys jáne aǵylshyn tilderinde erkin sóileidi.
Buǵan deiin EO-nyń Ortalyq Aziia boiynsha arnaiy ókili qyzmetin Slovakiia ókili Peter Býrian atqarǵan edi.
