Eýropalyq odaq jáne ulttyq deńgeidegi jyldam ári aýqymdy jaýap sharalaryna qaramastan, koronavirýs pandemiiasyna bailanysty biyl EO ekonomikasyna tereń retsessiia qaýpi tónip tur. Mundai tujyrymdar seisenbi kúni jariialanǵan Eýrokomissiianyń 2020 jyldyń jazyna arnalǵan ekonomikalyq boljamynda keltirilgen, dep habarlaidy QazAqparat.
«Pandemiia jáne koronavirýstyń taralýyn toqtatý boiynsha qabyldanǵan sharalar, negizinen, ekinshi toqsandaǵy ekonomikalyq belsendilikke áser etti. Bul, Ekinshi dúniejúzilik soǵystan keiingi IJÓ tómendeýiniń alǵashqy kórinisi», – dedi seisenbide Briýsselde ótken baspasóz konferentsiiasynda ekonomika jónindegi eýrokomissar Paolo Djentiloni.
Ekonomikany qalpyna keltirý protsesi osy jyldyń ekinshi jartysynda qarqyn almaq. Degenmen, ol EO-nyń ártúrli elderinde tolyq emes jáne birkelki bolmaidy.
«Ekonomikalyq belsendiliktiń tómendeýi sonshalyqty aýyr boldy. Ekinshi jartyjyldyqta ishinara qalpyna keltirý jyl saiynǵy ósý qarqynyn aitarlyqtai arttyra almaidy», - dedi Djentiloni.
Infliatsiia boljamy aitarlyqtai ózgergen joq jáne biyl 0,3%, kelesi jyly 1,1% bolady dep kútilýde. EO úshin infliatsiia 2020 jyly 0,6% jáne 2021 jyly 1,3% deńgeiinde bolýy yqtimal. Ekiudai jaǵdai joǵary bolyp qalyp otyr. Al ahýaldyń odan ári nasharlaý qaýpi joǵary. Óitkeni pandemiianyń aýqymy men uzaqtyǵy belgisiz.
